Oblys basshysy Amandyq Batalovtyń aýdan, qala ákimderine medısınalyq maskalardy tigýdi jolǵa qoıý jáne óndiris qarqynyn arttyrý týraly tapsyrmasyn oryndaý maqsatynda oblys ortalyǵy Taldyqorǵan qalasynda medısınalyq betperde tigetin jańa seh ashyldy, - dep habarlaıdy Dalanews.kz Almaty oblysy ákiminiń baspasóz qyzmetine silteme jasap.
«Tehno Avıa Grýp» JSHS dırektory Jarylqasyn Bolatulynyń aıtýynsha, bul sehta 50 tiginshi kúnine 30 myń betperde tige alady.
Jalpy aýmaǵy 490 sharshy metrdi quraıtyn óndiris ornynda quny 28 mln. teńgeniń túrli qalyńdyqtaǵy materıaldardy tigýge arnalǵan elektr qozǵaltqyshty joǵary jyldamdyqty ámbebap tigin mashınalary ornatylǵan. Olar eń kóbi mınýtyna 5000 ret aınala alatyn tigis jyldamdyǵyna ıe.
Qazirgi ýaqytta munda bir rettik qoldanylatyn 3 qabatty medısınalyq betperdeler tigilýde.
Aldaǵy ýaqytta birneshe ret paıdalanýǵa bolatyn trıkotajdy maskalar, halattar, kombınezondar, aljapqyshtar, qolǵaptar, jumys kúrtesheleri jáne tapsyrysqa baılanysty taǵy da basqa kıim-keshek túrlerin tigý jospary bar.
