قۇدايلار سيزيفكە وراسان زور تاستى تاۋ باسىنا دومالاتىپ شىعارۋدى بۇيىردى. بٸراق تاس ٶز سالماعىمەن قايتادان تٶمەن قاراي دومالاپ تٷسەدٸ. ونىڭ بۇل ٷمٸتسٸز جۇمىستان اسقان قورقىنىشتى جازانىڭ جوقتىعىنا سەنۋگە دەگەن دەلەلٸ بار ەدٸ. ەگەر گومەرگە سەنسەك, سيزيف شىندىعىندا ەڭ اقىلدى, زەرەك ادام. بٸراق جەنە بٸر نۇسقادا وعان جول جاساۋ جۇمىستارى جٷكتەلەدٸ.
البەر كاميۋ, فرانتسۋز جازۋشىسى, نوبەل سىيلىعىنىڭ يەگەرٸ
بۇدان ەشقانداي قايشىلىقتى كٶرۋگە بولمايدى. ونىڭ نە ٷشٸن توزاقتا ٷمٸتسٸز ەڭبەك ەتۋشٸگە اينالىپ قالعانى تۋرالى بٸركەلكٸ پٸكٸر دە جوق. باسىندا ول قۇدايعا قۇرمەت ەتپەدٸ دەپ ايىپتالعان, ول قۇدايدىڭ قۇپييالىعىن ۇرلادى. اسونييانىڭ قىزى ەگيفانى يۋپيتەر ۇرلاپ كەتەدٸ. ەگيفانىڭ ەكەسٸ قىزىنىڭ جوعالعانىنا قاتتى ازاپتانىپ سيزيفقا ايتادى. سيزيف شىندىقتى بٸلەتٸن, ەگەر ول كورينف قالاسىنا سۋ جەتكٸزەتٸن بولسا, وعان بولعان جايدى اشاتىنىن ايتادى. دەمەك, اسپان نايزاعايىنا قاراعاندا سۋدىڭ پايداسى زور ەكەنٸن جاقسى تٷسٸنەتٸن, سول سەبەپتٸ ول توزاقتا جازالاندى.
گومەر جەنەدە سيزيف جان الۋشى تاناتتى شىنجىرمەن بۇعاۋلاپ تاستادى دەيدٸ. توزاق قۇدايى اپۋلۋ ٶزٸنٸڭ تىنىش جەنە ٸش پىستىرار جاعدايدا قالۋىنا شىداي الماي سوعىس قۇدايىن جٸبەردٸ, ول اجال قۇدايىن بۇعاۋدان ازات ەتتٸ.
سيزيف ٶلەر الدىندا ەيەلٸنٸڭ سٷيٸسپەنشٸلٸگٸن سىناپ كٶرمەكشٸ بولعان دەگەن كٶزقاراس بار. ول ەيەلٸنە ٶزٸنٸڭ تەنٸن جەرلەمەۋدٸ جەنە قۇرباندىق شالماۋدى بۇيىرادى, ٶزٸ توزاقتان بٸراق شىعادى. ول توزاقتا بٶتەن ادامدى سٷيۋدەن تارتقان ازاپتان قاسٸرەتتەندٸ. بٸردە توزاق قۇدايىنىڭ تاعىنا جاقىنداپ كەلدٸ دە, شالىنباعان قۇرباندىقتار ٷشٸن جەر بەتٸنە قايتىپ ەيەلٸن جازالاۋعا رۇقسات الدى. بٸراق مٶلدٸر سۋلاردى, شۋاق سەپكەن كٷن نۇرىن, تولقىعان تەڭٸزدەردٸ كٶرٸپ توزاق تٷنەگٸنە قايتقىسى كەلمەدٸ. ٶزٸن توزاققا شاقىرىپ جەتكەن ازاپتاعىش دىبىستاردى, اشۋلى ەسكەرتۋلەردٸ دە ەلەمەدٸ. ول تەڭٸز جاعاسىندا تەڭٸز تولقىندارىنا قاراپ, جەردٸڭ مەيٸرٸمدٸ قۇشاعىندا تاعى بٸراز جىل ٶمٸر سٷردٸ. قۇدايدىڭ بۇيرىعى جٷزەگە اسىپ, مەركۋريي اقىلدى ادامدى جاعاسىنان ۇستاپ باقىتتى ٶمٸردەن الىپ شىعىپ, توزاققا كٸرۋگە مەجبٷرلەيدٸ. ول ٷشٸن توزاقتا ٷلكەن بٸر تاس دايارلانىپ قويىلعان ەدٸ.
ول تاۋ ەتەگٸنە قاراي تٷسٸپ كەلە جاتىر, ونىڭ قايتىپ كەلٸپ, بٸر سەت تىنىستاپ الۋى مەنٸ ٶزٸنە قىزىقتىرا تٷستٸ. تاسقا بەكەم جابىسىپ, ازاپ تاڭباسى كٶرٸنگەن ەلپەتٸنٸڭ ٶزٸ تاسقا اينالىپ كەتكەندەي. مەن ونىڭ تاۋدان تٷسٸپ, اۋىر ەرٸ بٸركەلكٸ قاداممەن مەڭگٸ بولجاي المايتىن ازاپقا قاراي جٷرگەندٸگٸن كٶردٸم. بۇل بٸر سەتتٸك تىنىستاپ الۋ ورايىنا ۇقساعانىمەن, بەسەكە مايدانىنىڭ اشىلۋى ونىڭ ازابىنا ۇقساس قايتا پايدا بولاتىن ەدٸ. بۇل ساناداعى بٸر سەت ەدٸ. ەربٸر ەرەكەتٸندە ول تاۋدان ايرىلىپ, اقىرىن-اقىرىن قۇدايدىڭ تەرريتوريياسىنا جۇتىلىپ بارا جاتسا دا, ٶز ٶمٸرٸنەن ٷمٸتتٸ ەدٸ, ەلگٸ اۋىر ەرٸ وراسان زور تاستان دا مىعىم بولاتىن.
ەگەر وسى سەبەپتەن تاۋ باۋرايى بٸردە قايعىلى بولسا, ول دا قۋانىش بولماق, بۇل سٶز ەر سەت شەكتەن اسىپ كەتپەگەن. مەن جەنە بٸر جولى سيزيف تاسىنىڭ جانىنا قايتىپ كەلگەنٸن, قايتادان قاسٸرەتتٸڭ باستالعانىن ويلايمىن. كٶرٸنٸستەردٸڭ ٶزٸ ەستەلٸككە اينالىپ, باقىتتىڭ شاتتىق ەۋەنٸ كٶپ قايتالانىپ كەتكەندە, ادامدار جٷرەگٸنە مۇڭ ۇيالاي باستايدى. بۇل تاستىڭ جەڭٸسٸ ھەم ٶزٸ بولماق.
ەگەر بۇل اڭىز تراگەدييا بولاتىن بولسا, باس كەيٸپكەردٸڭ سانالىلىعى سەبەبٸنەن بولدى. راس, ەگەر نەتيجە شىعارامىن دەگەن ٷمٸت ونى ٶزٸنە تەۋەلدٸ ەتٸپ السا, ونىڭ ازابى جەنە قاي جەردە بولماق? ال بٷگٸندە ادامداردىڭ ماعىناسىز ەرەكەتٸ ٷزدٸكسٸز قايتالانۋدا, بۇنداي تاعدىردا تراگەدييادان ەش كەم ەمەس. تەك سانامەن سەزٸنگەن جاعدايدا عانا – وسىنىڭ بەرٸ تراگەدييا. سيزيف قۇدايلار ٸشٸندە جاڭاشىل بولعانىمەن, بيلٸگٸ جوق, مٷمكٸن قۇدايلار ٷشٸن بٷلٸكشٸل. ول ٶزٸنٸڭ قاسٸرەتتٸ حالٸنٸڭ قاي دەڭگەيدە ەكەنٸن باعامدايدى, مٸنە, بۇل ونىڭ تاۋ باۋرايىندا ويلايتىنى, ازاپتى ويانۋ ساناعا تٷرتكٸ سالعانمەن, مازاققا ۇشىرامايتىن تاعدىر جوق!
ەگەر وسى سەبەپتەن تاۋ باۋرايى بٸردە قايعىلى بولسا, ول دا قۋانىش بولماق, بۇل سٶز ەر سەت شەكتەن اسىپ كەتپەگەن. مەن جەنە بٸر جولى سيزيف تاسىنىڭ جانىنا قايتىپ كەلگەنٸن, قايتادان قاسٸرەتتٸڭ باستالعانىن ويلايمىن. كٶرٸنٸستەردٸڭ ٶزٸ ەستەلٸككە اينالىپ, باقىتتىڭ شاتتىق ەۋەنٸ كٶپ قايتالانىپ كەتكەندە, ادامدار جٷرەگٸنە مۇڭ ۇيالاي باستايدى. بۇل تاستىڭ جەڭٸسٸ ھەم ٶزٸ بولماق. شەكسٸز قايعىنىڭ سالماعى ادامعا ماڭىزدى مٸندەتكە دەگەن جاۋاپكەرشٸلٸكتٸ ۇمىتتىرادى, مٸنە, بۇل گەفيمپ باقشاسىنىڭ تٷنٸ. بٸراق مويىندالعاننان كەيٸن ادامنىڭ بولمىسىن تاستالقان ەتەتٸن اقيقات جوعالدى. سونىمەن ەديف ٶز شىندىعىن بٸلمەيتٸن كەزٸندە تاعدىرعا بويۇسىنعان ەدٸ, شىندىقتى بٸلگەننەن كەيٸن ونىڭ قاسٸرەتٸ باستالدى. سونىمەن بٸر ۋاقىتتا ول ماقساتسىز, ٷمٸتسٸز تٷردە ٶزٸمەن ەلەمدٸ بايلانىستىرىپ تۇرعان بٸردەن بٸر دەنەكەر قىز بالانىڭ نەزٸك ساۋساقتارى ەكەنٸن اڭعاردى. وسىدان كەيٸن ٷرەيلٸ جازا مايدانىنا شىقتى. «سانسىز ازاپ مايدانىنىڭ اشىلۋى مەنٸڭ كٶز جاسىمدى سارقۋمەن قاتار رۋحىمدى بەكەمدەپ, نەتيجە جاراتۋىمنىڭ تٸرەگٸ بولدى. بۇلاردىڭ بارلىعى شىنىندا جاقسى ەكەن», سول سەبەپتٸ سوفوكلدٸڭ ەديپٸنە, دوستوەۆسكييدٸڭ كرىلوۆىنا ۇقساس ماعىناسىز جەڭٸسٸن سىيلايدى. ەرتە دەۋٸردەگٸ دانالىق, قازٸرگٸ دەۋٸردەگٸ قاھارماندىقتى سومدايدى. ادامداردىڭ ماعىناسىزدىقتى بايقاۋىن ماعىنا جٶنٸندەگٸ باقىت سٶزدٸگٸنە ەنگٸزۋ ەمەس, بٸراق تەك بٸر دٷنيە بار, باقىت پەن ماعىناسىزدىق ەلەمنٸڭ ەگٸز ۇعىمى ەكەنٸن پارىقتاماساق بولمايدى. باقىتتى تەك ساناسىزدىقتىڭ بايقالۋىن مٸنبە قىلادى دەۋ دە قاتە, كەرٸسٸنشە وقىستان ماعىناسىزدىقتى ەسكە الۋ سەزٸمٸ باقىت سەبەبٸنەن بولادى. «مەن بەرٸ جاقسى بولار دەپ ويلايمىن!». ەديپتٸڭ وسى سٶزٸندە ايتىلعان مٸنسٸز ٷكٸم ادامداردىڭ جابايى ەرٸ شەكتٸ ەلەمٸنە تٷرتكٸ سالىپ, ەشنەرسە جوق, شەكسٸزدٸكتە بولماعان دەيدٸ. ول قۇدايدى دٷنيەدەن قۋىپ شىعىپ قايتىپ كەلگەندە, نارازىلىقپەن ٶنٸمسٸز ەڭبەككە بولعان ماحابباتىن الىپ كەلدٸ. ول تاعدىردى ادامداردىڭ ٶز مەسەلەسٸنە اينالدىرىپ قويعان, سوندىقتان بۇل مەسەلە سٶزسٸز ادامدار اراسىندا شەشٸم تابۋى كەرەك.
سيزيفتٸڭ تاعدىرى ٶزٸنە تيەسٸلٸ, ونىڭ تاسى – ٶزٸنٸڭ مەنشٸگٸ. سونداي-اق, ابسۋرد ادامى ٶزٸنٸڭ ازابىن ويلاعاندا بارلىق نەرسەنٸ قۇدايداي تىنىشتىققا اينالدىرىپ جٸبەرەدٸ. كەنەت تىنىشتىق ورنىنا كەلگەن ەلەمدە, جەر بەتٸندە جٶڭكٸلٸپ جٷرگەن ەلسٸز دىبىستاردىڭ بارلىعى ۇشىپ شىعادى.
مەن سيزيفتٸ تاۋ باۋرايىندا قالدىردىم, ادامدار تٷبٸ بٸر ٶز جاۋاپكەرشٸلٸگٸن بايقايدى. بٸراق سيزيفتٸڭ ادامدارعا ٷيرەتەتٸنٸ قۇدايدى مويىنداپ, تاس كٶتەرۋگە بولعان ادالدىعى. سيزيف بارلىق نەرسە ۇقساس دەپ قارايدى, سونىمەن بٸرگە ول ٷشٸن الىپ ايتقاندا قوجايىنسىز ەلەمدە بوستان-بوس ٶنٸمسٸز ەرەكەت بولمايدى. تاستىڭ ەربٸر بٶلشەكتەرٸ, كەشكٸ تاۋدى بٷركەگەن ەربٸر تاۋ جىنىستارىنىڭ بٶلشەكتەرٸنٸڭ ٶزٸ بٸر دٷنيەنٸ قۇرايدى. تاۋ شوقىسىنا قاراپ ۇمتىلۋ كەز كەلگەن ادامنىڭ بولمىسىندا ساقتالعان, ادامدار سيزيفتٸڭ قۋانىشى جٶنٸندە ويلاۋى كەرەك.
دايىنداعان شالقار دەۋلەتكەلدٸ
