رەسەيلىك پروپاگانديست مارگاريتا سيمونيان «ەحو» راديوسىنا قازاقستانعا اسكەر جىبەرىپ، «قانداي دا ءبىر بارمالەيالارمەن» اينالىسۋدى قالار ەدىم دەپ مالىمدەدى، دەپ حابارلايدى Dalanews.kz.
«مەن ۋكراينادا دا، سيريادا دا، ەگەر تاعى ءبىر رەت شاقىرسا، قازاقستاندا دا قانداي دا ءبىر بارمالەيالارمەن اينالىسۋعا مۇمكىندىك الامىز دەپ قۋانار ەدىم»، - دەدى سيمونيان.
KazTAG رەداكسياسى سيمونيانعا «روسسيا سەگودنيا» اگەنتتىگىنىڭ كەرى بايلانىس فورماسى ارقىلى سۇراۋ جولداپ، «بارمالەيالار» دەپ كىمدى مەڭزەگەنىن جانە 2022 جىلدىڭ قاڭتارىنداعى وقيعالارعا جالپى كوزقاراسىن ناقتىلاۋدى سۇراعان.
ايتا كەتەيىك، سيمونياننىڭ قازاقستانعا قاتىستى بۇعان دەيىن دە داۋلى پىكىرلەر ايتقان بولاتىن. ماسەلەن، 2022 جىلدىڭ اقپانىندا قازاقستاننىڭ سەپاراتيستىك قۇرىلىمدار – ۋكراينا اۋماعىنداعى «دحر» مەن «لحر»-دىڭ تاۋەلسىزدىگىن مويىندامايتىنى تۋرالى مالىمدەمەسىن ول «جاقسىلىقتى باعالاماۋ» دەپ اتاعان.
«ءبىز ولاردى نە ءۇشىن قۇتقاردىق، سوندا؟» - دەپ مالىمدەدى ول، قاڭتار وقيعاسى كەزىندە قازاقستانعا ۇقشۇ كونتينگەنتىنىڭ ەنگىزىلگەنىن ەسكە سالا وتىرىپ.
ءماجىلىس دەپۋتاتى ايدوس سارىم ونىڭ مالىمدەمەسىنە پىكىر ءبىلدىرىپ، سيموننياننىڭ شەشىم قابىلدايتىن ادامدار قاتارىنا جاتپايتىنىن ەسكە سالدى.
«قۇدايعا شۇكىر، مارگاريتا سيمونيان – سىرتقى ىستەر ءمينيسترى، مەملەكەتتىك دۋما سپيكەرى، پرەزيدەنت نەمەسە پرەمەر-مينيستر ەمەس»، - دەدى سول كەزدە سارىم KazTAG رەداكسياسىنا.
