Reseilik propagandist Margarita Simonian «Eho» radiosyna Qazaqstanǵa ásker jiberip, «qandai da bir barmaleialarmen» ainalysýdy qalar edim dep málimdedi, dep habarlaidy Dalanews.kz.
«Men Ýkrainada da, Siriiada da, eger taǵy bir ret shaqyrsa, Qazaqstanda da qandai da bir barmaleialarmen ainalysýǵa múmkindik alamyz dep qýanar edim», - dedi Simonian.
KazTAG redaktsiiasy Simonianǵa «Rossiia segodnia» agenttiginiń keri bailanys formasy arqyly suraý joldap, «barmaleialar» dep kimdi meńzegenin jáne 2022 jyldyń qańtaryndaǵy oqiǵalarǵa jalpy kózqarasyn naqtylaýdy suraǵan.
Aita keteiik, Simoniannyń Qazaqstanǵa qatysty buǵan deiin de daýly pikirler aitqan bolatyn. Máselen, 2022 jyldyń aqpanynda Qazaqstannyń separatistik qurylymdar – Ýkraina aýmaǵyndaǵy «DHR» men «LHR»-dyń táýelsizdigin moiyndamaityny týraly málimdemesin ol «jaqsylyqty baǵalamaý» dep ataǵan.
«Biz olardy ne úshin qutqardyq, sonda?» - dep málimdedi ol, qańtar oqiǵasy kezinde Qazaqstanǵa UQShU kontingentiniń engizilgenin eske sala otyryp.
Májilis depýtaty Aidos Sarym onyń málimdemesine pikir bildirip, Simonniannyń sheshim qabyldaityn adamdar qataryna jatpaitynyn eske saldy.
«Qudaiǵa shúkir, Margarita Simonian – syrtqy ister ministri, Memlekettik Dýma spikeri, prezident nemese premer-ministr emes», - dedi sol kezde Sarym KazTAG redaktsiiasyna.
