“نەعىپ ورىسشا سٶيلەمەيسٸز, بٸز قازاقشا سٶيلەيتٸن قازاق ەمەسپٸز. بٸز باسقا ۇلت ٶكٸلدەرٸمٸز! نازارباەۆ ايتى عوي سەندەرگە “ورىسشا سٶيلەڭدەر”, – دەپ دٸكٸڭدەگەنٸ. ول ول ما? ەلەنا ەسٸمدٸ قىز بٸر زاماتتا “ۆى چتو, ۆوينى حوتيتە?” دەپ دٷرسە قويعانىن قايتەسٸز?!.
قازاقستاننىڭ وسىنداي بٸر دەلدٷرٸشتەرٸنە مەملەكەتتٸك تٸلدە سۇراق قويۋ سوعىس اشۋمەن تەڭ بولعان زامان-اي.
مەن وعان بار بولعانى تۇتىنۋشى رەتٸندە تاۋار سيپاتىن قازاقشا تٷسٸندٸرۋدٸ سۇراعانىمدى ايتتىم. ال, ونىڭ جاۋابى اناۋ. اقىرىندا, تۇتىنۋشىلاردىڭ ارىز كٸتابٸن سۇراپ, بولعان جاعدايدى سوعان جازدىم. بۇنداي وقيعا “سۋلپاكتا” ەكٸنشٸ رەت بولىپ وتىر. ولاردىڭ ويىنشا قازاق تٸلٸ تەك قازاقتارعا عانا مٸندەت. تاۋار العىڭ كەلسە ورىسشا سٶيلەۋ كەرەك ەكەن.
“سۋلپاك” باسشىلارىنىڭ بۇل جاعدايدان ەش نەتيجە شىعارمايتىندارى انىق. ايتپاقشى, مەن ەلگٸ پلانشەتتٸ المادىم, بۇنداي باسسىزدىق جايلاعان جەردەن تاۋار الىپ, ولاردىڭ كەسٸبٸن قولداپ قايتەيٸن?
سول كٷنٸ تاعى بٸر وقيعا بولدى. مەن پوليتسيياعا تەلەفون شالىپ, پلانشەتٸمدٸ جوعالتقانىم تۋرالى ايتتىم. مەنٸڭ تەلەفون ارقىلى ايتقان ارىزىم ەۋەزوۆ اۋدانىنىڭ ٸشكٸ ٸستەر مينيسترلٸگٸنٸڭ بٶلٸمشٸسٸنە تٷسٸپتٸ. مەن ٶز ارىزىمدى قازاقشا ايتا باستادىم, بٸراق, يۋلييا دەگەن قىزمەتكەر ماعان ورىسشا ايتۋدى تالاپ ەتتٸ. مەن تەك قازاقشا ايتاتىنىمدى العا تارتتىم, ول ترۋبكانى تاستاي سالدى. مەن قايتا تەلەفون سوعىپ ەدٸم, ارىزىمدى قازاق تٸلدٸ وپەراتورعا تٸركەتتٸ.
سوندا ەگەر دە زەبٸرلەنۋشٸ قازاقشا ارىزىن ايتسا ونىڭ ارىزى قابىلدانباي ما? ييا, مەنٸڭ وقيعام جەڭٸل-جەلپٸ ۇرلىققا بايلانىستى, ال ەگەردە بٸرەۋ بٸرەۋدٸ سوعىپ نەمەسە توناپ جاتسا ەۋەزوۆ اۋدانى سٸزدٸڭ ارىزىڭىزدى قابىلاداماۋى مٷمكٸن عوي, دەمەك?
بۇل ەكٸ وقيعا الماتى قالاسىندا قازاق تٸلٸ مەملەكەتتٸك تٸل رەتٸندە كەمباعال جاعدايدا ەكەنٸن كٶرسەتەدٸ. “سۋلپاكتا” دا, ەۋەزوۆ اۋداندىق ٸشكٸ ٸستەر مينيسترلٸگٸ بٶلٸمشەسٸندە دە قازاق تٸلٸ مويىندالمايدى ەكەن. مەن “سۋلپاكتا” پەن ەۋەزوۆ اۋداندىق ٸشكٸ ٸستەر مينيسترلٸگٸ بٶلٸمشەسٸندە قازاق تٸلدٸ تۇرعىنداردىڭ ازاماتتىق شەكتەۋ مەن ديسكريميناتسيياعا ۇشىراپ جاتقانىنا نازار اۋدارامىن.
قر پرەزيدەنت ەكٸمشٸلٸگٸنٸڭ ٸشٸكٸ ساياسات بٶلٸمٸ, قر باس پروكۋراتۋراسىنىڭ نازارىن ماڭىزدى فاكتٸگە اۋدارماقپىن: ورىس تٸلدٸ ازاماتتاردىڭ بٸرازى (ەتنيكالىق ورىسى, قازاعى, باسقاسى بار) قازاق تٸلٸ مەملەكەتتٸك تٸل رەتٸندە تەك قازاقتارعا قاتىستى دەپ, باسقا ۇلتتارعا مٸندەتتٸ ەمەس دەپ ويلايدى.
ەزٸمباي عالي, ساياساتتانۋشى
اۆتوردىڭ فەيسبۋكتەگٸ پاراقشاسىنان الىندى
