باتىس قازاقستان وبلىسىنىڭ ەكٸمٸ ناريمان تٶرەعاليەۆ پرەزيدەنتتٸڭ جارلىعىنا سەيكەس سۋ تاسقىنى كەزٸندە قىزمەتتٸك جەنە ازاماتتىق بورىشىن اتقارۋداعى جانقييارلىعى, سونداي-اق تٶتەنشە جاعدايدا كٶرسەتكەن ەرلٸگٸ ٷشٸن بٸرقاتار ازاماتتارعا مەملەكەت باسشىسىنىڭ اتىنان مەملەكەتتٸك ناگرادالاردى تابىستادى.
وبلىس ەكٸمٸ بارشا باتىس قازاقستاندىقتارعا سۋ تاسقىنى كەزٸندە كٶمەك قولىن سوزعاندارى ٷشٸن العىسىن بٸلدٸردٸ.
«مەملەكەت باسشىسى قاسىم-جومارت توقاەۆ كٷنٸ كەشە سۋ تاسقىنىمەن كٷرەسۋگە قول ۇشىن سوزعان ازاماتتاردىڭ ەڭبەگٸن جوعارى دەڭگەيدە اتاپ ٶتكەن بولاتىن. تاسقىنعا تٶتەپ بەرۋ جۇمىستارى بارشا ٶڭٸر حالقىنىڭ بٸرلٸگٸنٸڭ ارقاسىندا جٷزەگە استى. سىني ساعاتتا ۇيىمشىلدىق تانىتىپ, تۋعان ٶلكەمٸزدٸ امان الىپ قالۋ شارالارىنا بەلسەندٸ قاتىسقاندارىڭىز ٷشٸن شىنايى ريزاشىلىعىمدى بٸلدٸرەمٸن», - دەدٸ ناريمان تٶرەعاليەۆ.
«باتىس قازاقستان اەجك» جشس ەلەكتر مونتەرٸ جانبولات ٶمٸرزاقوۆ پەن «جايىقجىلۋقۋات» اق ەكسكاۆاتور ماشينيسٸ قۇمارعالي ساپاروۆ ٸٸٸ دەرەجەلٸ «ەڭبەك داڭقى» وردەنٸمەن ماراپاتتالدى.
ال «SAPA90» جشس ديرەكتورى جاسۇلان ەشمۇحامبەتوۆ, بەيتەرەك اۋدانى يانۆارتسەۆ ورمان جەنە جانۋارلار دٷنيەسٸن قورعاۋ مەكەمەسٸنٸڭ ورمان ينسپەكتورى دامير قۇرمانوۆ جەنە «باتىس قازاقستان ساۋدا» جشس تەحنيكالىق ديرەكتورى احمەت يتاليەۆ «ەرەن ەڭبەگٸ ٷشٸن» مەدالدارىنا يە بولدى.
جالپى باتىسقازاقستاندىق 10 ازامات پرەزيدەنتتٸڭ جارلىعىمەن جوعارى ناگرادالارعا يە بولدى.
19 ماۋسىم كٷنٸ استانا قالاسىندا مەملەكەت باسشىسىنىڭ قاتىسۋىمەن ٶتكەن شارادا قاراتٶبە اۋدانى «نۇرقانات» شق جەتەكشٸسٸ ساريەۆ قاليمۇرات سەرٸكبايۇلىنا – «قۇرمەت وردەنٸ», سىرىم اۋدانى «سىرىم» مكك مەحانيزاتورى باقتىعاليەۆ ازامات تالعاتۇلىنا –, تەرەكتٸ اۋدانى «اۆانگارد» جشس ەكسكوۆاتورشىسى ساپيەۆ قايرات حاميدوللاۇلىنا – ٸٸٸ دەرەجەلٸ «ەڭبەك داڭقى» وردەنٸ, ورال قالاسى «№3 وبلىستىق بالالار-جاسٶسپٸرٸمدەر سپورت مەكتەبٸ» مكقك جاتتىقتىرۋشىسى مولداشەۆ ەرلان ەرمەكۇلىنا – «ەرەن ەڭبەگٸ ٷشٸن» مەدالٸ, بەيتەرەك اۋدانى «يانۆارتسەۆ اۋىلدىق وكرۋگٸ ەكٸمٸنٸڭ اپپاراتى» مم كٷزەتشٸسٸ– ىسقاقوۆ رۋسلان جاقسىعاليۇلىنا – «ەرەن ەڭبەگٸ ٷشٸن» مەدالٸ تابىستالعان بولاتىن.
