Batys Qazaqstan oblysynyń ákimi Nariman Tóreǵaliev Prezidenttiń Jarlyǵyna sáikes sý tasqyny kezinde qyzmettik jáne azamattyq boryshyn atqarýdaǵy janqiiarlyǵy, sondai-aq tótenshe jaǵdaida kórsetken erligi úshin birqatar azamattarǵa Memleket basshysynyń atynan memlekettik nagradalardy tabystady.
Oblys ákimi barsha Batys qazaqstandyqtarǵa sý tasqyny kezinde kómek qolyn sozǵandary úshin alǵysyn bildirdi.
«Memleket basshysy Qasym-Jomart Toqaev kúni keshe sý tasqynymen kúresýge qol ushyn sozǵan azamattardyń eńbegin joǵary deńgeide atap ótken bolatyn. Tasqynǵa tótep berý jumystary barsha óńir halqynyń birliginiń arqasynda júzege asty. Syni saǵatta uiymshyldyq tanytyp, týǵan ólkemizdi aman alyp qalý sharalaryna belsendi qatysqandaryńyz úshin shynaiy rizashylyǵymdy bildiremin», - dedi Nariman Tóreǵaliev.
«Batys Qazaqstan AEJK» JShS elektr monteri Janbolat Ómirzaqov pen «Jaiyqjylýqýat» AQ ekskavator mashinisi Qumarǵali Saparov III dárejeli «Eńbek dańqy» ordenimen marapattaldy.
Al «SAPA90» JShS direktory Jasulan Eshmuhambetov, Báiterek aýdany Ianvartsev orman jáne janýarlar dúniesin qorǵaý mekemesiniń orman inspektory Damir Qurmanov jáne «Batys Qazaqstan Saýda» JShS tehnikalyq direktory Ahmet Italiev «Eren eńbegi úshin» medaldaryna ie boldy.
Jalpy batysqazaqstandyq 10 azamat Prezidenttiń Jarlyǵymen joǵary nagradalarǵa ie boldy.
19 maýsym kúni Astana qalasynda Memleket basshysynyń qatysýymen ótken sharada Qaratóbe aýdany «Nurqanat» ShQ jetekshisi Sariev Qalimurat Serikbaiulyna – «Qurmet ordeni», Syrym aýdany «Syrym» MKK mehanizatory Baqtyǵaliev Azamat Talǵatulyna –, Terekti aýdany «Avangard» JShS ekskovatorshysy Sapiev Qairat Hamidollaulyna – III dárejeli «Eńbek dańqy» ordeni, Oral qalasy «№3 Oblystyq balalar-jasóspirimder sport mektebi» MKQK jattyqtyrýshysy Moldashev Erlan Ermekulyna – «Eren eńbegi úshin» medali, Báiterek aýdany «Ianvartsev aýyldyq okrýgi ákiminiń apparaty» MM kúzetshisi– Ysqaqov Rýslan Jaqsyǵaliulyna – «Eren eńbegi úshin» medali tabystalǵan bolatyn.
