بٷگٸن CLAAS اۋىل شارۋاشىلىعى تەحنيكاسى كەسٸپورنىندا دۋالدى وقىتۋ بويىنشا وقۋ ورتالىعى اشىلدى,- دەپ حابارلايدى Dalanews.kz
بۇل جوبا مەملەكەت باسشىسىنىڭ باستاماسىمەن جارييالانعان "جۇمىسشى ماماندىقتارى جىلى" اياسىندا ەرەكشە ماڭىزعا يە. سقو ەكٸمٸ عاۋەز نۇرمۇحامبەتوۆ پەن CLAAS كومپانيياسىنىڭ شىعىس ايماعى بويىنشا اعا ۆيتسە-پرەزيدەنتٸ ميحاەل ريتتەر باستاعان گەرمانييادان كەلگەن دەلەگاتسييا وقۋ ورتالىعىنىڭ مٷمكٸندٸكتەرٸمەن تانىستى.
كەسٸپورىن مەن "سولتٷستٸك قازاقستان جوعارى كەسٸبي پەداگوگيكالىق كوللەدجٸ" دۋالدى بٸلٸم بەرۋ تۋرالى كەلٸسٸمگە قول قويدى. باعدارلاما ستۋدەنتتەرگە زاماناۋي اۋىل شارۋاشىلىعى تەحنولوگييالارى بويىنشا تەجٸريبەلٸك داعدىلاردى مەڭگەرۋگە بٸرەگەي مٷمكٸندٸك بەرەدٸ. ول 60/40 پرينتسيپٸ بويىنشا قۇرىلىپ, ستۋدەنتتەر كٶپ ۋاقىتىن پراكتيكادا ٶتكٸزەدٸ.
"قاڭتاردا كوللەدجدٸڭ العاشقى 8 ستۋدەنتٸ زاۋىت اۋماعىندا ارنايى جابدىقتالعان وقۋ سىنىبىندا پراكتيكالىق ساباقتارىن باستادى. وسىلايشا, كەسٸپورىن زاماناۋي تەحنيكانى مەڭگەرگەن بولاشاق مامانداردى بەلسەندٸ تٷردە دايىنداۋدا. وقۋ 3 جىلعا سوزىلادى, ونىڭ اياقتالۋى بويىنشا تٷلەكتەر CLAAS زاۋىتىندا جۇمىسقا ورنالاسادى", - دەپ اتاپ ٶتتٸ ٶڭٸر باسشىسى.
سونىمەن قاتار, زاۋىتتاعى ٶندٸرٸستٸڭ جاڭعىرتىلۋى تەكسەرٸلدٸ. بىلتىر كەسٸپورىندا 350 بٸرلٸك تەحنيكا شىعارىلدى, ونىڭ ٸشٸندە CLAAS Xerion تراكتورلارى, CLAAS Trion كومبايندارى, HORSCH Sprinter ەگٸس كەشەندەرٸ مەن CLAAS جاتكالارى بار. بيىل زاۋىت ٶندٸرٸس كٶلەمٸن ۇلعايتىپ, 528 بٸرلٸك زاماناۋي اۋىل شارۋاشىلىعى تەحنيكاسىن شىعارۋدى جوسپارلاپ وتىر.
