Búgin CLAAS aýyl sharýashylyǵy tehnikasy kásipornynda dýaldy oqytý boiynsha oqý ortalyǵy ashyldy,- dep habarlaidy Dalanews.kz
Bul joba Memleket basshysynyń bastamasymen jariialanǵan "Jumysshy mamandyqtary jyly" aiasynda erekshe mańyzǵa ie. SQO ákimi Ǵaýez Nurmuhambetov pen CLAAS kompaniiasynyń Shyǵys aimaǵy boiynsha aǵa vitse-prezidenti Mihael Ritter bastaǵan Germaniiadan kelgen delegatsiia oqý ortalyǵynyń múmkindikterimen tanysty.
Kásiporyn men "Soltústik Qazaqstan joǵary kásibi pedagogikalyq kolledji" dýaldy bilim berý týraly kelisimge qol qoidy. Baǵdarlama stýdentterge zamanaýi aýyl sharýashylyǵy tehnologiialary boiynsha tájiribelik daǵdylardy meńgerýge biregei múmkindik beredi. Ol 60/40 printsipi boiynsha qurylyp, stýdentter kóp ýaqytyn praktikada ótkizedi.
"Qańtarda kolledjdiń alǵashqy 8 stýdenti zaýyt aýmaǵynda arnaiy jabdyqtalǵan oqý synybynda praktikalyq sabaqtaryn bastady. Osylaisha, kásiporyn zamanaýi tehnikany meńgergen bolashaq mamandardy belsendi túrde daiyndaýda. Oqý 3 jylǵa sozylady, onyń aiaqtalýy boiynsha túlekter CLAAS zaýytynda jumysqa ornalasady", - dep atap ótti óńir basshysy.
Sonymen qatar, zaýyttaǵy óndiristiń jańǵyrtylýy tekserildi. Byltyr kásiporynda 350 birlik tehnika shyǵaryldy, onyń ishinde CLAAS Xerion traktorlary, CLAAS Trion kombaindary, HORSCH Sprinter egis keshenderi men CLAAS jatkalary bar. Biyl zaýyt óndiris kólemin ulǵaityp, 528 birlik zamanaýi aýyl sharýashylyǵy tehnikasyn shyǵarýdy josparlap otyr.
