رەسەيدە ۋكرايناداعى سوعىسقا بارىپ كەلگەن ەسكەري قىزمەتكەرلەر مىڭنان اسا ادامعا ٶلٸم نەمەسە اۋىر جاراقات كەلتٸرگەن, دەپ حابارلايدى Dalanews.kz.
سوتقا جەتكەن ەر ون ٸستٸڭ توعىزى بويىنشا ايىپتالۋشىنىڭ سوعىسقا قاتىسقانى «جەڭٸلدەتەتٸن جاعداي» رەتٸندە ەسەپتەلگەن. مۇنداي دەرەكتەردٸ «ۆەرستكا» مەن Die Welt بٸرلەسكەن زەرتتەۋٸندە كەلتٸردٸ.
زەرتتەۋ قورىتىندىسىنا ساي, رەسەي ۋكرايناعا قارسى كەڭ اۋقىمدى سوعىس باستاعان سەتتەن بەرٸ مايداننان ورالعان ەسكەري ادامداردىڭ ەرەكەتٸنەن 551 ادام كٶز جۇمعان. ونىڭ 274-ٸ – قاساقانا كٸسٸ قولىنان قازا تاپقان, ال 163-ٸ – سوققىعا جىعىلۋ نەمەسە جول اپاتىنان العان جاراقات سالدارىنان ٶلگەن. قىلمىسقا بارعانداردىڭ 142-سٸ بۇرىن سوتتالعان, تٷرمەدەن سوعىسقا شاقىرىلعان ادامدار.
زەرتتەۋشٸلەر قاراعان 700 سوت ٷكٸمٸنٸڭ شامامەن 90%-ىندا سوت سوعىسقا قاتىسۋدى كٸنەلٸگە جەڭٸلدٸك بەرەتٸن جايت رەتٸندە قابىلداعان. ەدەتتە كٸسٸ ٶلتٸرۋ مەن ٶلٸمگە ەكەپ سوققان كٷش قولدانۋ قىلمىستارى ٸشٸمدٸك ٸشٸلٸپ, تۇرمىستىق نەمەسە جەكە جانجال كەزٸندە جاسالعان. كٶپ جاعدايدا مۇنداي وقيعالاردىڭ قۇرباندارى ەسكەري قىزمەتكەرلەردٸڭ ٶز تۋىستارى مەن جاقىندارى بولىپ شىققان.
