قىزىلوردا وبلىسىنىڭ اكىمى نۇرلىبەك نالىبايەۆتىڭ قاتىسۋىمەن سىرداريا اۋدانىنىڭ بەسارىق اۋىلىندا سپورت كەشەنى اشىلدى،- دەپ حابارلايدى Dalanews.kz قىزىلوردا وبلىسى اكىمىنىڭ باسپا ءسوز قىزمەتىنە سىلتەمە جاساپ.
سالتاناتتى شاراعا جاۋاپتى سالا باسشىلارى، ەڭبەك ارداگەرلەرى، زيالى قاۋىم وكىلدەرى مەن اۋىل تۇرعىندارى قاتىستى.
وبلىس اكىمى اۋىلداعى جاڭا ءارى ساۋلەتتى عيماراتتار قاتارى تاعى ءبىر ماڭىزدى نىسانمەن تولىققانىن اتاپ، جەرگىلىكتى تۇرعىنداردى قۇتتىقتادى.
«بۇگىن بەرەكەسى مەن بىرلىگى جاراسقان سىرداريا اۋدانىنىڭ بەسارىق اۋىلىندا وزدەرىڭىزبەن جۇزدەسكەنىمىزگە قۋانىشتىمىز. پرەزيدەنتىمىز قاسىم-جومارت كەمەل ۇلى ءحححىىى جازعى وليمپيادا ويىندارىنىڭ جۇلدەگەرلەرىمەن كەزدەسۋدە: «بۇقارالىق سپورتتى دامىتۋ ارقىلى ءبىز كاسىبي سپورتقا جول اشامىز جانە ەڭ باستىسى، ۇلت ساۋلىعىن جاقسارتامىز. مەملەكەت سپورت ينفراقۇرىلىمىن دامىتۋ ءۇشىن ءتيىستى قاراجات بولۋدە، ياعني بالالاردىڭ جاستايىنان الاڭسىز سپورتپەن شۇعىلدانۋىنا قاجەتتى جاعدايدى جاساپ جاتىر. ەلىمىزدىڭ ايماقتارىندا 20 مىڭنان استام سپورت الاڭى جۇمىس ىستەپ تۇر، 16 مىڭنان اسا ارنايى كەشەن مەن زال بار. وسى نىسانداردىڭ بارلىعى تولىققاندى قىزمەت ەتۋگە ءتيىس جانە سپورتپەن اينالىسامىن دەگەن ءاربىر ادامعا قولجەتىمدى بولۋى كەرەك»، – دەگەن بولاتىن. سپورت – ەلىمىزدى حالىقارالىق دەڭگەيدە تانىتىپ، كوك تۋىمىزدى جەلبىرەتەتىن، ءانۇرانىمىزدى اسقاقتاتاتىن ايرىقشا ماڭىزدى سالا. وتكەن جىلى قازان ايىندا قىزىلوردا قالاسىندا «ۇستەل تەننيسى» ورتالىعى پايدالانۋعا بەرىلدى. حالىقارالىق ستاندارتتارعا سايكەس كەلەتىن «ورتالىق ستاديوندى» الداعى مامىر ايىندا ەل يگىلىگىنە تابىستايمىز. جاقىن كۇندەرى كوپبەيىندى «قىزىلوردا ارەنا»، دەنەشىنىقتىرۋ-ساۋىقتىرۋ كەشەندەرىنىڭ قۇرىلىسى باستالادى.
سىرداريا اۋدانىنىڭ سپورت سالاسىندا جۇيەلى جۇمىستار جۇرگىزىلۋدە. وتكەن جىلى سپورتشىلار رەسپۋبليكا چەمپيوناتتارىنان 29 التىن، 20 كۇمىس، 47 قولا، ازيا چەمپيوناتىنان 4 التىن، 1 كۇمىس، 2 قولا، الەم چەمپيوناتىنان 1 التىن مەدال يەلەندى.بۇگىن اشىلعان جاڭا سپورت كەشەنىندە اۋىل تۇرعىندارىنىڭ، جەتكىنشەكتەردىڭ دەنە شىنىقتىرۋىنا، سپورتپەن اينالىسۋىنا جەتكىلىكتى مۇمكىندىك بار. وسى جەردە جاتتىققان بالالارىمىز دەنساۋلىعى مەن رۋحى مىقتى، جىگەرلى، قايراتتى، بولاشاقتا ەلدىڭ داڭقىن اسقاقتاتاتىن ازاماتتار بولسىن دەيمىز. جاڭا نىسان سالاۋاتتىلىق سالتىن ۇستانۋعا شاقىراتىن قۇتتى ورىنعا اينالسىن!» – دەدى ن.نالىبايەۆ.
سالتاناتتى شارادا سپورت سالاسىنىڭ قىزمەتكەرلەرى مەن ارداگەرلەرىنە وبلىس اكىمىنىڭ العىس حاتى تابىستالدى.
قوعام قايراتكەرى، قىزىلوردا وبلىسىنىڭ قۇرمەتتى ازاماتى ايتباي كوشەربايەۆ قۇتتىقتاۋ لەبىزىن جەتكىزىپ، بەسارىق اۋىلدىق قوعامدىق كەڭەستىڭ ءتوراعاسى اكبار اقجىگىتوۆ باتاسىن بەردى.
جاڭادان اشىلعان كەشەن ءبىر مەزەتتە 100-گە جۋىق بالانى قابىلدايدى. بۇل جەرگە كەلۋشىلەر قازاق كۇرەسى، دزيۋدو، بوكس، گرەك-ريم، ەركىن كۇرەس، تاەكۆوندو، ۆولەيبول، فۋتبولمەن اينالىسا الادى.
