وبلىس ەكٸمٸ ناريمان تٶرەعاليەۆ ەۋروپالىق وداقتىڭ قازاقستانداعى ەلشٸسٸ الەشكا سيمكيچ باستاپ كەلگەن مەرتەبەلٸ مەيماندارمەن كەزدەستٸ. رەسمي دەلەگاتسييا قۇرامىندا اۆسترييا, بەلگييا, كيپر, فينلياندييا, فرانتسييا, لاتۆييا, ليتۆا, پورتۋگالييا, سەربييا, يسپانييا, كانادا مەملەكەتتەرٸنٸڭ ەلشٸلەرٸ جەنە ەستونييا, پولشا, شۆەيتسارييا ەلدەرٸنٸڭ ۋاقىتشا سەنٸمدٸ ٶكٸلدەرٸ بولدى. ەۋرووداققا مٷشە ەمەس مەملەكەتتەر ٶكٸلدەرٸنٸڭ دە قاتىسۋى حالىقارالىق ىنتىماقتاستىقتىڭ اۋقىمىن كەڭەيتٸپ, ماڭىزىن ارتتىرا تٷستٸ. باستى ماقسات – اراداعى الىس-بەرٸس, بارىس-كەلٸستٸ ارتتىرۋ, دەپ حابارلايدى dalanews.kz.
ايماق باسشىسى ەلشٸلەردٸڭ جايىق جەرٸنە رەسمي ساپارى باتىس قازاقستان وبلىسى مەن ەۋرووداق ەلدەرٸ اراسىنداعى ىنتىماقتاستىقتى جاڭا دەڭگەيگە كٶتەرەتٸنٸنە سەنٸم بٸلدٸردٸ.
- كٷنٸ كەشە بريۋسسەلدە ٶتكەن القالى جيىندا مەملەكەت باسشىسى قاسىم-جومارت كەمەلۇلى توقاەۆ سٶز سٶيلەپ, قازاقستان مەن ەۋروپالىق وداق اراسىنداعى قارىم-قاتىناس شىنايى ستراتەگييالىق سيپاتقا يە بولعانىن اتاپ ٶتتٸ. پرەزيدەنت تاپسىرماسىنا سەيكەس تٸكەلەي شەتەلدٸك ينۆەستيتسييا تارتۋ باعىتىندا بٸزدٸڭ ايماقتا دا اۋقىمدى جۇمىستار اتقارىلدى. باتىس قازاقستان وبلىسى بولگارييا, ۆەنگرييا, يتالييا, گەرمانييا, ۇلىبريتانييا, نيدەرلاند كورولدٸگٸ, قىتاي جەنە كورەيا رەسپۋبليكاسى سيياقتى ەلدەرمەن تىعىز بايلانىس ورناتتى. 2025 جىلدىڭ قورىتىندىسى بويىنشا ٶڭٸرٸمٸزدٸڭ ەۋروپالىق وداق ەلدەرٸمەن تاۋار اينالىمى 5 ملرد دوللاردان استى, - دەدٸ ناريمان تٶرەعاليەۆ.
ەۋروپالىق وداقتىڭ قازاقستانداعى ەلشٸسٸ الەشكا سيمكيچ مەملەكەتتەر باسشىلارى دەڭگەيٸندەگٸ كەلٸسسٶزدەر اياسىندا ەكونوميكالىق ىقپالداستىقتى ودان ەرٸ ارتتىرۋدىڭ ماڭىزىن اتاپ ٶتتٸ.
- ەۋروپالىق وداق قازاقستاننىڭ ەڭ ٸرٸ ساۋدا جەنە ينۆەستيتسييالىق سەرٸكتەسٸ سانالادى. بٸز بۇل باعىتتارداعى بايلانىستى بەكەمدەۋگە مٷددەلٸمٸز. ٶڭٸرلەرگە ساپاردىڭ ماقساتى دا وسى. 1 شٸلدەدە جاڭا كونستيتۋتسييا كٷشٸنە ەنەدٸ. تامىز ايىندا قۇرىلتاي سايلاۋى ٶتەدٸ. بٸز قازاقستانداعى بارلىق ساياسي ٶزگەرٸستەرگە مەن بەرٸپ, جاڭا دامۋ كەزەڭٸنە كۋە بولىپ وتىرمىز, - دەدٸ الەشكا سيمكيچ.
ەلشٸلەر ٶڭٸردٸڭ نەگٸزگٸ ەرەكشەلٸكتەرٸ مەن ينۆەستورلاردى قولداۋ شارالارى تۋرالى سۇراقتار قويىپ, ٶزارا پٸكٸر الىستى.
ايتا كەتەيٸك, بيىل ٶڭٸرگە 1 ترلن تەڭگەدەن استام ينۆەستيتسييا تارتۋ جوسپارلانىپ وتىر.
