شقو. "تالدىقورعان – قالباتاۋ – ٶسكەمەن" باعىتىنداعى جاڭا جول پايدالانۋعا بەرٸلەدٸ
اعىمداعى جىلى "نۇرلى جول" مەملەكەتتٸك باعدارلاماسى اياسىندا جالپى ۇزىندىعى 869 شاقىرىم بولاتىن شىعىس قازاقستاننىڭ "تالدىقورعان – قالباتاۋ – ٶسكەمەن" جەنە "قالباتاۋ – مايقاپشاعاي" ەكٸ ماڭىزدى كٶلٸك دەلٸزٸن قايتا قۇرۋ جالعاسۋدا. اسىلبەك نۇعمانوۆتىڭ ايتۋىنشا, بٷگٸنگٸ تاڭدا جوبالار بويىنشا 490 شاقىرىم اسفالت-بەتون جابىنى, 600 شاقىرىم جولدىڭ نەگٸزٸ قالانىپ, ٷش كٶلٸك ايرىعى, 19 كٶپٸر, 375 سۋ ٶتكٸزۋ قۇبىرى سالىندى.
– قاۋٸپسٸز جٷرٸپ ٶتۋدٸ قامتاماسىز ەتۋ بويىنشا جۇمىستاردىڭ اياقتالۋىنا قاراي, اتاپ ايتقاندا جول جيەكتەرٸن تٶگۋ, بەلگٸلەردٸ ورناتۋ, جول تاڭبالارىن سالۋ, اۆتوكٶلٸك قوزعالىسى نەگٸزگٸ جول بويىنشا ۇيىمداستىرىلادى. جىل سوڭىنا دەيٸن "تالدىقورعان – قالباتاۋ – ٶسكەمەن" باعىتىندا جاڭا جول اشۋ جوسپارلانۋدا. "قالباتاۋ-مايقاپشاعاي" باعىتى بويىنشا قوزعالىستى قيىرشىق تاس نەگٸزٸنٸڭ جوعارعى جاعىنان اشۋ جوسپارلانۋدا. ودان ەرٸ اقسۋات اۋىلىنا بۇرىلىستان "مايقاپشاعاي" ٶتكٸزۋ پۋنكتٸنە دەيٸنگٸ ۋچاسكەدە قوزعالىس جاڭا جابىن بويىنشا بولادى, – دەپ حابارلادى اسىلبەك نۇعمانوۆ.
جالپى, قايتا جاڭارتۋدى 2022 جىلى تولىق اياقتاۋ جوسپارلانىپ وتىر.
سپيكەردٸڭ ايتۋىنشا, بيىل رەسپۋبليكالىق ماڭىزى بار "تاسكەسكەن – باقتى" اۆتوموبيل جولىنىڭ ۇزىندىعى 20 شاقىرىم ۋچاسكەسٸن قايتا جٶندەۋ اياقتالىپ, پايدالانۋعا بەرٸلدٸ. سونداي-اق, رەكونسترۋكتسييالاۋ اياسىندا بٷگٸنگٸ كٷنٸ "قازاۆتوجول" فيليالى جالپى ۇزىندىعى 100 شاقىرىم بولاتىن "ٶسكەمەن – سەمەي" اۆتوموبيل جولىنىڭ ۋچاسكەلەرٸن جوبالاۋدى جٷرگٸزۋدە.
كاتونقاراعاي اۋدانىنداعى بەرەل اۋىلى مەن "راحمان قاينارى" شيپاجايى اراسىنداعى تٶرت كٶپٸردٸ كٷردەلٸ جٶندەۋدٸڭ جوبالىق-سمەتالىق قۇجاتتاماسىنا تٷزەتۋ جۇمىستارى باستالدى. جوبانى ٸسكە اسىرۋ 2022 جىلعا جوسپارلانعان.
اعىمداعى جەنە كەلەسٸ جىلعا رەسپۋبليكالىق ماڭىزى بار 185 شاقىرىم اۆتوجولعا, اتاپ ايتقاندا "سەمەي – قاينار", "قاراعاندى – اياگٶز – تارباعاتاي – بۇعاز", "ومبى – مايقاپشاعاي – قالجىر – مارقاكٶل", "ٶسكەمەن – التاي – راحمان قاينارلارى" باعىتتارى بويىنشا ورتاشا جٶندەۋ جٷرگٸزۋ جوسپاردا بار. اعىمداعى جىلى اياگوز جەنە تارباعاتاي اۋداندارى اراسىنداعى ۇزىندىعى 56 شاقىرىم ۋچاسكەنٸ اسفالتتاۋ جۇمىستارى باستالدى.
اسىلبەك نۇعمانوۆ باسپاسٶز كونفەرەنتسيياسى بارىسىندا وسينوۆ اسۋىن اينالىپ ٶتٸپ, ۋچاسكەنٸ قايتا قۇرۋ بويىنشا جۇمىستاردىڭ بارىسىنا تٷسٸنٸكتەمە بەردٸ.
- جولدىڭ بٸر بٶلٸگٸ ورمان قورى اۋماعى ارقىلى ٶتكەندٸكتەن, بۇل جەرلەردٸ اۆتوموبيل جولدارى كوميتەتٸنٸڭ مەنشٸگٸنە شىعارۋ جۇمىستارى جٷرگٸزٸلدٸ. بٷگٸنگٸ تاڭدا بۇل پروتسەدۋرا اياقتالدى, جسق تٷزەتٸلدٸ. قۇجاتتاما قارجى مينيسترلٸگٸنٸڭ قاراۋىندا. بيۋدجەت قاراجاتى كەلەسٸ جىلى بٶلٸنەدٸ دەپ كٷتەمٸز, – دەپ تٷسٸندٸردٸ سپيكەر.
