قازاقستان-امەريكا ەركىن ۋنيۆەرسيتەتىندە «زاڭ جانە ءتارتىپ» قاعيداسىن ىسكە اسىرۋ جانە قۇقىق بۇزۋشىلىقتىڭ الدىن الۋ ماقساتىندا وتباسىلىق زورلىق-زومبىلىققا قارسى كۇرەسكە ارنالعان وقۋ سوت پروسەسى ۇيىمداستىرىلدى، – دەپ حابارلايدى Dalanews.kz شقو اكىمىنىڭ باسپا ءسوز قىزمەتىنە سىلتەمە جاساپ.
ءىس-شاراعا «قۇقىق» ءبىلىم بەرۋ باعدارلاماسىنىڭ ستۋدەنتتەرى قاتىستى. «قۇقىق جانە حالىقارالىق قاتىناستار» كافەدراسىنىڭ بولاشاق زاڭگەرلەرى وزدەرىنىڭ قىلمىستىق جانە قىلمىستىق ءىس جۇرگىزۋ قۇقىعى بويىنشا بىلىمدەرىن تاجىريبە جۇزىندە سىناپ، سوت پروسەسىن جۇرگىزۋ ماشىقتارىن جەتىلدىردى.
وقىتۋشىلار قاتىسۋشىلاردىڭ جوعارى دايىندىق دەڭگەيىن اتاپ ءوتتى.
– مۇنداي ءىس-شارالار ستۋدەنتتەرگە تەك بىلىمدەرىن تەرەڭدەتىپ قانا قويماي، وزدەرىنە دەگەن سەنىمدىلىكتى ارتتىرۋعا دا كومەكتەسەدى. ولار ناقتى قۇقىق نورمالارىمەن جۇمىس ىستەۋدى ۇيرەنەدى، بۇل بولاشاق زاڭگەرلەر ءۇشىن تاپتىرماس تاجىريبە، – دەپ اتاپ ءوتتى قۇقىق كافەدراسىنىڭ وقىتۋشىلارى.
بۇل تاجىريبەلىك ساباق ستۋدەنتتەردىڭ قۇقىقتىق ساۋاتتىلىعىن ارتتىرىپ، بولاشاق ماماندىقتارىنا دەگەن دايىندىعىن كۇشەيتۋگە، سونداي-اق وتباسىلىق زورلىق-زومبىلىققا قارسى كۇرەس مەحانيزمدەرىن تەرەڭ تۇسىنۋگە مۇمكىندىك بەردى.
