ۆيتسە-پرەمەر قانات بوزىمباەۆ اقتاۋ ماڭىندا اپاتقا ۇشىراعان AZAL ۇشاعىنا قاتىستى رەسەي تاراپىمەن ٶتەماقى تٶلەۋ جٶنٸندە كەلٸسسٶز جٷرگٸزٸلگەنٸ تۋرالى مەلٸمەتتەن حابارسىز ەكەنٸن ايتتى, دەپ حابارلايدى dalanews.kz.
ونىڭ سٶزٸنشە, قازا تاپقان جولاۋشىلاردىڭ تۋىستارىنىڭ بٸر بٶلٸگٸ ٶتەماقى الىپ ٷلگەرگەن. ال قالعاندارى بويىنشا مەسەلە ەلٸ سوت تەرتٸبٸمەن قارالىپ جاتىر.
بوزىمباەۆ ٶتەماقى تٶلەۋگە مٸندەتتٸ تاراپتار رەتٸندە ەزٸربايجاندىق جەنە رەسەيلٸك ساقتاندىرۋ كومپانييالارى قاراستىرىلىپ وتىرعانىن جەتكٸزدٸ. ۆيتسە-پرەمەردٸڭ ايتۋىنشا, ولار زارداپ شەككەندەرگە كٶمەك كٶرسەتۋگە دايىن.
"شەشٸم جاقىن ارادا قابىلدانادى دەپ ويلايمىن. مەنٸڭشە, بارلىق جولاۋشى ٶتەماقىنى تولىق كٶلەمدە الادى. ازاماتتىعىنا قاراماستان, زارداپ شەككەندەردٸڭ بەرٸنە تيٸستٸ تٶلەم جاسالۋى كەرەك", – دەدٸ ول.
جۋرناليستەر رەسەي قازاقستانعا ٶتەماقى تٶلەي مە دەپ سۇراعاندا, قانات بوزىمباەۆ مۇنداي اقپاراتتى ەستٸمەگەنٸن ايتتى. سونداي-اق ول استانا مەن مەسكەۋ اراسىندا وسى مەسەلەگە قاتىستى قانداي دا بٸر كەلٸسٸم بار-جوعىنان حابارسىز ەكەنٸن جەتكٸزدٸ.
ۆيتسە-پرەمەر قازاقستاننىڭ ەزٸربايجان تاراپىمەن بايلانىستا ەكەنٸن جەنە جاعدايدى باقىلاۋدا ۇستاپ وتىرعانىن اتاپ ٶتتٸ. ونىڭ ايتۋىنشا, ٶتەماقى تەك ەزٸربايجان ازاماتتارىنا عانا ەمەس, اپاتتان زارداپ شەككەن ٶزگە ەل ازاماتتارىنا دا تٶلەنۋٸ تيٸس.
"بٸز ەشقانداي كەمسٸتۋشٸلٸككە جول بەرٸلمەۋٸ ٷشٸن قولدان كەلگەننٸڭ بەرٸن جاسايمىز. قازٸر كەيبٸر ادامداردىڭ ٶتەماقى الىپ ٷلگەرگەنٸ كەمسٸتۋشٸلٸك جوق ەكەنٸن كٶرسەتەتٸن سيياقتى", – دەدٸ بوزىمباەۆ.
سونىمەن قاتار ول ٶتەماقىنىڭ كەشٸگۋٸنە كەي جاعدايدا تٶلەم الۋشىلاردى زاڭدى تٷردە انىقتاۋ مەسەلەلەرٸ سەبەپ بولىپ وتىرعانىن تٷسٸندٸردٸ.
