اعىمداعى جىل ايماق ەكونوميكاسىن قالپىنا كەلتىرۋ جىلى بولدى. الەۋمەتتىك وقشاۋلاۋ شارالارىنىڭ السىرەۋى جانە سىرتقى جاعدايلاردىڭ جاقسارۋى ەكونوميكانىڭ ناقتى سەكتورىنىڭ ءوسۋىنىڭ نەگىزگى فاكتورلارى بولىپ تابىلادى. بۇل جەردە، ءبىرىنشى كەزەكتە، ازاماتتار مەن بيزنەسكە مەملەكەت تاراپىنان كورسەتىلەتىن اۋقىمدى جانە جەدەل كومەكتى اتاپ ءوتۋ قاجەت.

پرەزيدەنتتىڭ باستاماسى بويىنشا "بيزنەستىڭ جول كارتاسى"، "قاراپايىم زاتتار ەكونوميكاسى" باعدارلامالارىنىڭ قولدانىلۋى 2022 جىلعا ۇزارتىلدى. سونىڭ ارقاسىندا شقو-داعى كاسىپورىندار جوبالاردى سۋبسيديالاۋ جانە كەپىلدەندىرۋ بويىنشا 4،6 ملرد تەڭگەگە قوسىمشا قولداۋ الدى.

بۇگىنگى تاڭدا "بيزنەستىڭ جول كارتاسى 2025" باعدارلاماسى بويىنشا 2010 جىلدان بەرى 3 مىڭنان استام جوبا سۋبسيديالاندى، 1،5 مىڭ جوبا كەپىلدەندىرىلدى، 384 جوبا گرانتتىق قارجىلاندىرۋدى الدى. بۇل ماقساتقا 255 ملرد تەڭگە باعىتتالدى.

"اق نيەت" جەڭىلدەتىلگەن نەسيەلەندىرۋدىڭ وڭىرلىك باعدارلاماسىن ىسكە اسىرۋ شەڭبەرىندە 8،8 ملرد تەڭگەگە 513 جوبا قارجىلاندىرىلدى.

"قاراپايىم زاتتار ەكونوميكاسى" باعدارلاماسى بويىنشا يمپورت الماستىرۋشى وندىرىستەردى كەڭەيتۋ ءۇشىن 45 ملرد تەڭگەگە 272 جوبا قارجىلىق قولداۋ السا، 206 جوبا 43 ملرد تەڭگەگە سۋبسيديالاندى.

سونىمەن قاتار، وڭىردە ەكونوميكانى ءارتاراپتاندىرۋ، تاۋارلار ەكسپورتىن كەڭەيتۋ جۇمىستارى دا جالعاسۋدا