Aǵymdaǵy jyl aımaq ekonomıkasyn qalpyna keltirý jyly boldy. Áleýmettik oqshaýlaý sharalarynyń álsireýi jáne syrtqy jaǵdaılardyń jaqsarýy ekonomıkanyń naqty sektorynyń ósýiniń negizgi faktorlary bolyp tabylady. Bul jerde, birinshi kezekte, azamattar men bızneske memleket tarapynan kórsetiletin aýqymdy jáne jedel kómekti atap ótý qajet.

Prezıdenttiń bastamasy boıynsha "Bıznestiń jol kartasy", "Qarapaıym zattar ekonomıkasy" baǵdarlamalarynyń qoldanylýy 2022 jylǵa uzartyldy. Sonyń arqasynda SHQO-daǵy kásiporyndar jobalardy sýbsıdıalaý jáne kepildendirý boıynsha 4,6 mlrd teńgege qosymsha qoldaý aldy.

Búgingi tańda "Bıznestiń jol kartasy 2025" baǵdarlamasy boıynsha 2010 jyldan beri 3 myńnan astam joba sýbsıdıalandy, 1,5 myń joba kepildendirildi, 384 joba granttyq qarjylandyrýdy aldy. Bul maqsatqa 255 mlrd teńge baǵyttaldy.

"Aq Nıet" jeńildetilgen nesıelendirýdiń óńirlik baǵdarlamasyn iske asyrý sheńberinde 8,8 mlrd teńgege 513 joba qarjylandyryldy.

"Qarapaıym zattar ekonomıkasy" baǵdarlamasy boıynsha ımport almastyrýshy óndiristerdi keńeıtý úshin 45 mlrd teńgege 272 joba qarjylyq qoldaý alsa, 206 joba 43 mlrd teńgege sýbsıdıalandy.

Sonymen qatar, óńirde ekonomıkany ártaraptandyrý, taýarlar eksportyn keńeıtý jumystary da jalǵasýda