شقو ەكولوگتارى زاۋىتتان شىققان قىزعىلت تٷتٸننٸڭ سەبەبٸن ايتتى
شقو ەكولوگييا دەپارتامەنتٸنٸڭ باسشىسى دانييار ەليەۆتٸڭ ايتۋىنشا, الدىن الا مەلٸمەت بويىنشا قىزعىلت تٷتٸننٸڭ شىعۋىنا – حلوراتورلى تسەحتىڭ 4 قۇبىرىنىڭ بٸر ۋاقىتتا تازالانۋى سەبەپ بولعان.
«قۇبىرلاردى قۇرامىندا حلور بار رەاگەنتتەردەن تازارتۋ جۇمىسى جٷرگٸزٸلٸپ جاتقان. سونىڭ سالدارىنان قىزعىلت تٷتٸن پايدا بولدى. كەسٸپورىن ٶكٸلدەرٸ بٸزگە تٷتٸننٸڭ كٶپ بولماعانىن ايتتى. قازٸرگٸ ۋاقىتتا ارنايى قۇرىلعان كوميسسييا بۇنىڭ اق-قاراسىن انىقتاپ جاتىر», - دەيدٸ ول.
دانييار ەليەۆتٸڭ سٶزٸنشە, بٷگٸندە كەسٸپورىندا تەكسەرۋ جۇمىستارى جالعاسۋدا. سوندىقتان ەكولوگتاردىڭ ناقتى قورىتىندىسى تيٸستٸ شارالار اياقتالعاننان كەيٸن عانا شىعادى. ەستەرٸڭٸزگە سالا كەتسەك, وسىعان دەيٸن ٶسكەمەندەگٸ زاۋىت تٶبەسٸندە قىزعىلت تٷتٸننٸڭ پايدا بولعانى حابارلانعان.
