ShQO ekologtary zaýyttan shyqqan qyzǵylt tútinniń sebebin aitty
ShQO ekologiia departamentiniń basshysy Daniiar Álievtiń aitýynsha, aldyn ala málimet boiynsha qyzǵylt tútinniń shyǵýyna – hloratorly tsehtyń 4 qubyrynyń bir ýaqytta tazalanýy sebep bolǵan.
«Qubyrlardy quramynda hlor bar reagentterden tazartý jumysy júrgizilip jatqan. Sonyń saldarynan qyzǵylt tútin paida boldy. Kásiporyn ókilderi bizge tútinniń kóp bolmaǵanyn aitty. Qazirgi ýaqytta arnaiy qurylǵan komissiia bunyń aq-qarasyn anyqtap jatyr», - deidi ol.
Daniiar Álievtiń sózinshe, búginde kásiporynda tekserý jumystary jalǵasýda. Sondyqtan ekologtardyń naqty qorytyndysy tiisti sharalar aiaqtalǵannan keiin ǵana shyǵady. Esterińizge sala ketsek, osyǵan deiin Óskemendegi zaýyt tóbesinde qyzǵylt tútinniń paida bolǵany habarlanǵan.
