– بۇگىندە وبلىس اۋماعىنداعى ءىرى 25 كاسىپورىن ءوندىرىس ورىندارىنداعى جاراقات الۋدى ازايتۋدى كوزدەيتىن «VisionZero» كونسەپسياسىنا قوسىلسا، 3 كاسىپورىن «حالىقتىق باقىلاۋ» جوباسىن ءوز ەرىكتەرىمەن قاتىستى. بۇدان باسقا ءبىزدىڭ باسقاراما ۇزىن سانى 90-عا جەتەتىن كاسىپورىن ەڭبەك نارىعىن ساقتاۋ بويىنشا اتتەستاسيالاۋدان وتكىزدى، – دەدى شقو مەملەكەتتىك ەڭبەك ينسپەكسياسى باسقارماسىنىڭ باسشىسى باقىتبەك قيزاتوۆ.
باسقارما باسشىسى ايتقان «حالىقتىق باقىلاۋ» جوباسىنا قوسىلعان ءۇش كاسىپورىن وزدەرىن بىلاي قويىپ، ارىپتەستەرىنە جۇمىس بارىسىنداعى جاراقاتتى ازايتىپ، قاراپايىم ەڭبەك ادامدارىنىڭ جۇمىسى ءۇشىن جايلى جاعداي جاساۋدى تالاپ ەتە باستاعان.
وسىلايشا شقو-دا باستاۋ العان تارتىمدى ىس-تاجىريبە كاسىپورىندارىنداعى جۇمىسشى قۇقىنىڭ قورعالۋىنا جاڭا دەڭگەيگە كوتەردى.
ءوز كەزەگىندە شقو مەملەكەتتىك ەڭبەك ينسپەكسياسى باسقارماسىنىڭ باسشىسى باقىتبەك قيزاتوۆ وتكەن جىلدىڭ ءدال وسى كەزەڭىمەن سالىستىرعاندا ءوندىرىس ورىندارىندا جۇمىسشىلاردىڭ جاراقات الۋى وقيعاسى 7،2%-عا تومەندەگەنىن دە العا تارتتى.
– 2021 جىلى وڭىردەگى كاسىپورىنداردى جۇمىس ىستەيتىن 76 مىڭ جۇمىسشى جۇمىس بەرۋشىلەرىنەن وتەماقى تولەندى. بۇل ءۇشىن جۇمىس بەرۋشىلەر 23،2 ملن تەڭگە جۇمساعان. بۇل – 2020 جىلى تولەنگەن وتەماقىمەن سالىستىرعاندا 11%-عا جوعارى. سونىمەن قاتار ءوندىرىس ورىندارىندا جۇمىس ىستەيتىن ەڭبەك ادامدارىنىڭ ءومىرىن ساقتاندىرۋ دەڭگەيى 41%-دى قۇراعان. بۇگىندە بىزدەر كاسىپورىندارعا جۇمىسشىلاردىڭ ءومىرىن ساقتاندىرۋدىڭ ماڭىزى زور ەكەنىن ءتۇسىندىرىپ كەلەمىز، – دەيدى باقىتبەك قيزاتوۆ.
