بەلگٸلٸ ەنشٸ سەكەن قالىموۆ بۇرىنعى وتباسىمەن قارىم-قاتىناسى تۋرالى سٶز قوزعاپ, ٶتكەن ٶمٸرٸندەگٸ قاتەلٸكتەرٸنە ٶكٸنەتٸنٸن جەتكٸزدٸ, دەپ حابارلايدى dalanews.kz.
ٶنەر يەسٸ بۇرىنعى جۇبايى مەن بالاسىنان كەشٸرٸم سۇراۋ ٷشٸن ارنايى استانا قالاسىنا بارعانىن ايتقان. الايدا جاقىندارىمەن قايتا تٸل تابىسۋ ەرەكەتٸ سەتسٸز اياقتالعان. ەنشٸنٸڭ سٶزٸنشە, كەزٸندە وتباسىنا جەتكٸلٸكتٸ كٶڭٸل بٶلمەي, جاستىق شاقتىڭ قىزىعىنا بەرٸلگەن. قازٸر ول سول كەزەڭدەگٸ ەرەكەتتەرٸنە ٶكٸنٸش بٸلدٸرٸپ, بولعان جاعدايعا ٶزٸن كٸنەلٸ سانايتىنىن جاسىرمايدى.
"الدارىنان ٶتەيٸن دەپ استاناعا ٸزدەپ باردىم. جارىمدى دا, بالامدى دا كٸنەلامايمىن. قاتەلٸك – ٶزٸمنەن. ول كەزدە جەڭٸلتەك ٶمٸر سٷردٸك, ورتا دا باسقاشا بولدى. سەرٸلٸك قۇرىپ جٷرگەن جاس كەزەڭ ەدٸ, كٶپ دٷنيەگە سالعىرت قارادىم. ەرينە, مەنٸ قۇشاق جايا قارسى الادى دەپ بارعان جوقپىن. بٸراق تٸل تابىسا المادىم. ولار مەنٸ قابىلدامادى. بۇيىرعان كٷنٸ بەرٸ ٶز ورنىنا كەلەدٸ دەپ ٷمٸتتەنەمٸن", – دەدٸ ول اعىنان جارىلىپ.
