– Búginde oblys aýmaǵyndaǵy iri 25 kásiporyn óndiris oryndaryndaǵy jaraqat alýdy azaıtýdy kózdeıtin «VisionZero» konsepsıasyna qosylsa, 3 kásiporyn «Halyqtyq baqylaý» jobasyn óz erikterimen qatysty. Budan basqa bizdiń basqarama uzyn sany 90-ǵa jetetin kásiporyn eńbek naryǵyn saqtaý boıynsha attestasıalaýdan ótkizdi, – dedi SHQO Memlekettik eńbek ınspeksıasy basqarmasynyń basshysy Baqytbek Qızatov.
Basqarma basshysy aıtqan «Halyqtyq baqylaý» jobasyna qosylǵan úsh kásiporyn ózderin bylaı qoıyp, áriptesterine jumys barysyndaǵy jaraqatty azaıtyp, qarapaıym eńbek adamdarynyń jumysy úshin jaıly jaǵdaı jasaýdy talap ete bastaǵan.
Osylaısha SHQO-da bastaý alǵan tartymdy is-tájirıbe kásiporyndaryndaǵy jumysshy quqynyń qorǵalýyna jańa deńgeıge kóterdi.
Óz kezeginde SHQO Memlekettik eńbek ınspeksıasy basqarmasynyń basshysy Baqytbek Qızatov ótken jyldyń dál osy kezeńimen salystyrǵanda óndiris oryndarynda jumysshylardyń jaraqat alýy oqıǵasy 7,2%-ǵa tómendegenin de alǵa tartty.
– 2021 jyly óńirdegi kásiporyndardy jumys isteıtin 76 myń jumysshy jumys berýshilerinen ótemaqy tólendi. Bul úshin jumys berýshiler 23,2 mln teńge jumsaǵan. Bul – 2020 jyly tólengen ótemaqymen salystyrǵanda 11%-ǵa joǵary. Sonymen qatar óndiris oryndarynda jumys isteıtin eńbek adamdarynyń ómirin saqtandyrý deńgeıi 41%-dy quraǵan. Búginde bizder kásiporyndarǵa jumysshylardyń ómirin saqtandyrýdyń mańyzy zor ekenin túsindirip kelemiz, – deıdi Baqytbek Qızatov.
