كونفەرەنسيا بارىسىندا «قايىرىمدى ىستەر مارافونى» جالپىۇلتتىق جوباسى اياسىندا وبلىستا ىسكە اسىرىلىپ جاتقان يگى شارالار تۋرالى كەڭىنەن باياندالدى.
يگى ىستەردى اتقارۋدا وبلىستىڭ جاستارى دا كوش باستاپ تۇر. شقو جاستار رەسۋرستىق ورتالىعىنىڭ باسشىسى ارايلىم ەسىمبەكوۆانىڭ ايتۋىنشا، اتالعان مارافوننىڭ ۇرپاققا بەرەر قايىرى مول دەيدى.
– «قايىرىمدى ىستەر مارافونى» – بۇل ۇيىمدار مەن قاراپايىم قازاقستاندىقتاردى بىرىكتىرەتىن جالپىۇلتتىق قوزعالىس. قايىرىمدى ىستەر مارافونىنىڭ ءمانى – ادامداردى مەيىرىمدى بولۋعا، جاقسىلىق جاساۋعا ىنتالاندىرۋ. سەبەبى ءاربىر قازاقستاندىق ازامات ءبىز ءۇشىن قىمبات. ءبىز ءار جاسقا جاقسىلىق جاساۋعا جانە الەۋمەتتىك مارتەبەسىنە قاراماستان ءاربىر قازاقستاندىقتىڭ ءومىرىن جاقسارتۋعا ۇمتىلامىز، – دەيدى ارايلىم ەسىمبەكوۆا.
قازىرگى ۋاقىتتا شىعىس قازاقستان وبلىسىندا جوبا باستالعاننان كەيىن ونى شاعىن جانە ورتا بيزنەس وكىلدەرى، 7-جوو، 70-تەن استام كوللەدج، 600-دەن استام مەكتەپ، جەكە كومپانيالار، قايىرىمدىلىق قورلارى، قوعامدىق ۇيىمدار، 154 ۆولونتەرلىك توپتار قولداۋ كورسەتۋدە.
–جاستار مۇقتاج ادامدارعا كومەك كورسەتۋ، قان تاپسىرۋ، اعاش وتىرعىزۋ، قايىرىمدىلىق قورلارمەن بىرلەسىپ، ەكولوگيالىق اكسيالاردى وتكىزۋدە. جوبا اياسىندا وبلىس بويىنشا 2 مىڭنان استام ءىس-شارالار جۇزەگە وتكىزىلىپ، وعان 16 مىڭنان استام شىعىسقازاقستاندىق كاتىستى، – دەيدى ارايلىم كەرىمبەك قىزى.
وبلىستىق جاستار رەسۋرستىق ورتالىعىنىڭ ۇيىمداستىرۋىمەن بيىل وسكەمەن قالاسىندا 23 دۇكەندە مۇقتاج جاندارعا ارنالعان "قايىرىمدىلىق سورەسى" اكسياسى ءوتتى. اكسيا اياسىندا ءىرى ساۋدا ورتالىقتارىنداعى سورەلەر ازىق-تۇلىكپەن تولتىرىپ، تەگىن تاراتىلدى.
وبلىس بويىنشا بالالار اۋرۋحانالارىندا بالالارعا جىلۋلىق سىيلاۋ ماقساتىندا "بالا جۇرەگى" اكسياسى ۇيىمداستىرىلىپ، يممۋنيتەتتى قولداۋ ونىمدەرى مەن ويىنشىقتار سىيعا تارتىلدى.
ۆولونتەرلار حالىقارالىق قان دونورى كۇنىنە وراي "جىلى جۇرەك" دونورلىق اكسياسىن ۇيىمداستىردى، وعان جوعارى وقۋ ورىندارى، كوللەدجدەر، شقو قىلمىستىق-اتقارۋ جۇيەسى دەپارتامەنتى مەكەمەسىنىڭ قىزمەتكەرلەرى جانە قالا تۇرعىندارى قاتىستى. بارلىعى 153 دونور قاتىسىپ، 76،5 ليتر قان جينالدى.
جاستاردىڭ كومەگىمەن ەكولوگيالىق ماسەلەلەردى شەشۋگە باعىتتالعان 800-دەن استام ءىس-شارا ۇيىمداستىرىلدى. جوبا اياسىندا ءىس-شارالار وسىمەن توقتاپ قالماي، وبلىس كولەمىندە جالعاسىن تاباتىن بولادى.
