Konferentsiia barysynda «Qaiyrymdy ister marafony» jalpyulttyq jobasy aiasynda oblysta iske asyrylyp jatqan igi sharalar týraly keńinen baiandaldy.
Igi isterdi atqarýda oblystyń jastary da kósh bastap tur. ShQO jastar resýrstyq ortalyǵynyń basshysy Arailym Esimbekovanyń aitýynsha, atalǵan marafonnyń urpaqqa berer qaiyry mol deidi.
Qazirgi ýaqytta Shyǵys Qazaqstan oblysynda joba bastalǵannan keiin ony shaǵyn jáne orta biznes ókilderi, 7-JOO, 70-ten astam kolledj, 600-den astam mektep, jeke kompaniialar, qaiyrymdylyq qorlary, qoǵamdyq uiymdar, 154 volonterlik toptar qoldaý kórsetýde.
–Jastar muqtaj adamdarǵa kómek kórsetý, qan tapsyrý, aǵash otyrǵyzý, qaiyrymdylyq qorlarmen birlesip, ekologiialyq aktsiialardy ótkizýde. Joba aiasynda oblys boiynsha 2 myńnan astam is-sharalar júzege ótkizilip, oǵan 16 myńnan astam shyǵysqazaqstandyq katysty, – deidi Arailym Kerimbekqyzy.
Oblystyq jastar resýrstyq ortalyǵynyń uiymdastyrýymen biyl Óskemen qalasynda 23 dúkende muqtaj jandarǵa arnalǵan "Qaiyrymdylyq sóresi" aktsiiasy ótti. Aktsiia aiasynda iri saýda ortalyqtaryndaǵy sóreler azyq-túlikpen toltyryp, tegin taratyldy.
Oblys boiynsha balalar aýrýhanalarynda balalarǵa jylýlyq syilaý maqsatynda "Bala júregi" aktsiiasy uiymdastyrylyp, immýnitetti qoldaý ónimderi men oiynshyqtar syiǵa tartyldy.
Volonterlar halyqaralyq qan donory kúnine orai "Jyly júrek" donorlyq aktsiiasyn uiymdastyrdy, oǵan joǵary oqý oryndary, kolledjder, ShQO qylmystyq-atqarý júiesi departamenti mekemesiniń qyzmetkerleri jáne qala turǵyndary qatysty. Barlyǵy 153 donor qatysyp, 76,5 litr qan jinaldy.
Jastardyń kómegimen ekologiialyq máselelerdi sheshýge baǵyttalǵan 800-den astam is-shara uiymdastyryldy. Joba aiasynda is-sharalar osymen toqtap qalmai, oblys kóleminde jalǵasyn tabatyn bolady.
