شىعىس قازاقستاندا ءسولوۆوۆ اۋىلدىق وكرۋگىندە «اۋىل اماناتى» باعدارلاماسى اياسىندا شۇجىق ونىمدەرى، ەتتەن جاسالعان جارتىلاي فابريكاتتار جانە كونسەرۆىلەر شىعاراتىن سەح ىسكە قوسىلدى، – دەپ حابارلايدى Dalanews.kz
جوبانى سەرگەي بۋشنيەۆ باسقاراتىن «التاي ەكو» وندىرىستىك كووپەراتيۆى جۇزەگە اسىرۋدا. كووپەراتيۆ 60 اي مەرزىمگە 28،5 ميلليون تەڭگە كولەمىندە جەڭىلدەتىلگەن قارجىلاندىرۋ الىپ، بۇل قاراجات تولىقتاي زاماناۋي جابدىقتار ساتىپ الۋعا جۇمسالدى.
جابدىقتار 10 ناۋرىزدا جەتكىزىلىپ، اي سوڭىنا دەيىن ورناتىلدى. سەحتىڭ جىلدىق وندىرىستىك قۋاتتىلىعى – 360 تونناعا دەيىن شۇجىق ونىمدەرى مەن ەت جارتىلاي فابريكاتتارىن جانە 864 مىڭ بانكىگە دەيىن ەت كونسەرۆىلەرىن شىعارۋعا مۇمكىندىك بەرەدى.
ونىمدەردى ساتۋ قولدانىستاعى ساۋدا نۇكتەلەرى ارقىلى جۇزەگە اسىرىلادى. بۇل ونىمدەردى تەز وتكىزۋگە جانە جەرگىلىكتى حالىقتى ساپالى ەت ونىمدەرىمەن قامتاماسىز ەتۋگە جول اشادى.
"بۇل ءبىز ءۇشىن جاي عانا ءوندىرىستى كەڭەيتۋ ەمەس – بۇل تۇراقتىلىققا، ساپاعا جانە ورنىقتى دامۋعا جاسالعان ماڭىزدى قادام. ءبىز نارىققا تۋعان جەرىمىزدە، جەرگىلىكتى شيكىزاتتان دايىندالعان ەكولوگيالىق تازا ءونىم ۇسىنعىمىز كەلەدى"، – دەيدى كووپەراتيۆ باسشىسى سەرگەي بۋشنيەۆ.
جوبا وكرۋگ ەكونوميكاسى ءۇشىن ماڭىزدى: جاڭا جۇمىس ورىندارى اشىلادى، اۋىل شارۋاشىلىعى ونىمدەرىن وڭدەۋ دەڭگەيى ارتادى، ءوڭىردىڭ ازىق-تۇلىك قاۋىپسىزدىگى نىعايادى.
