بۇگىن وسكەمەن قالاسىندا وتكەن باسپا ءسوز كونفەرەنسياسىندا شىعىس قازاقستان وبلىسىنىڭ جەر قاتىناستارى باسقارماسىنىڭ 2025 جىلدىڭ 7 ايىنداعى جۇمىسىنىڭ قورىتىندىلارى جاريالاندى،- دەپ حابارلايدى Dalanews.kz
باستى نازار – پايدالانىلماي جاتقان اۋىل شارۋاشىلىعى ماقساتىنداعى جەرلەردى مەملەكەت مەنشىگىنە قايتارۋ ماسەلەسىنە اۋدارىلدى. جىل باسىنان بەرى وڭىردە 64،2 مىڭ گەكتار جەر قايتارىلعان. كوبىنە – جالداۋ مەرزىمىنىڭ اياقتالۋىنا جانە جەر پايدالانۋشىلاردىڭ ءوز ەركىمەن باس تارتۋىنا بايلانىستى. بۇل جۇمىس مەملەكەت باسشىسىنىڭ تاپسىرماسى اياسىندا 2022 جىلدان باستاپ جۇرگىزىلىپ كەلەدى.
قايتارىلعان جەرلەردىڭ 99%-دان استامى اۋدان جانە قالا اكىمدىكتەرىنىڭ جۇمىسىنىڭ ناتيجەسى. 2022–2024 جىلدار ارالىعىندا جالپى 343 مىڭ گەكتار جەر مەملەكەتكە قايتارىلدى، ونىڭ 70 مىڭ گەكتارى قايتادان اۋىل شارۋاشىلىعى اينالىمىنا ەنگىزىلگەن. جەرلەردىڭ ءبىر بولىگى حالىققا، ال ءبىر بولىگى اگروقۇرىلىمدارعا كونكۋرس ارقىلى بەرىلگەن.
2025 جىلدىڭ ءبىرىنشى جارتىسىندا وبلىس بويىنشا كاسىپكەرلىك ماقساتتا جەر ساتۋ بويىنشا 39 اۋكسيون وتكىزىلدى. ناتيجەسىندە، جالپى اۋدانى 31 گەكتاردى قۇرايتىن 53 جەر ۋچاسكەسى ساتىلىپ، بيۋدجەتكە 45،5 ميلليون تەڭگە ءتۇستى. سونىمەن قاتار، اۋىل شارۋاشىلىعى ماقساتىنداعى 13،9 مىڭ گەكتار جەر 16 كونكۋرس ارقىلى 101 جەر پايدالانۋشىعا بەرىلدى.
حالىققا كورسەتىلەتىن مەملەكەتتىك قىزمەتتەر بويىنشا دا جۇمىس جۇرگىزىلۋدە. 7 ايدا باسقارما 15 مەملەكەتتىك قىزمەت كورسەتتى، ونىڭ ىشىندە جالداۋ مەرزىمىن ۇزارتۋ جانە ىزدەستىرۋ جۇمىستارىن جۇرگىزۋگە رۇقسات بەرۋ سەكىلدى قىزمەتتەر بار. قۇجاتتاردىڭ تولىق بولماۋى نەمەسە وتىنىشتەردىڭ قۇزىرەتكە ساي بولماۋىنا بايلانىستى 22 وتىنىشكە قىزمەت كورسەتۋدەن باس تارتىلعان.
جەر قويناۋىن پايدالانۋ باعىتىندا دا جۇمىس ءجۇرىپ جاتىر. جىل باسىنان بەرى جالپى اۋدانى 72،5 گەكتار بولاتىن 11 جەر ۋچاسكەسى بويىنشا ماتەريالدار دايىندالىپ، وبلىس اكىمدىگىنىڭ 8 قاۋلىسى قابىلداندى جانە جالعا بەرۋ شارتتارى جاسالدى.
وبلىستىق جەر كوميسسياسى 4 وتىرىس وتكىزىپ، 16 ماتەريال قارادى. سونىڭ ىشىندە 15ء-ى بويىنشا جەر پايدالانۋ قۇقىعىن بەرۋ ماقۇلدانىپ، 1 ءوتىنىش جەردىڭ بوس بولماۋىنا بايلانىستى قاناعاتتاندىرىلمادى.
باسقارما وكىلدەرىنىڭ ايتۋىنشا، جىل سوڭىنا دەيىن بۇل باعىتتاعى جۇمىستار جالعاسىن تابادى جانە بارلىق جوسپارلانعان مىندەتتەر ۋاقىتىندا ورىندالادى.
