Búgin Óskemen qalasynda ótken baspasóz konferentsiiasynda Shyǵys Qazaqstan oblysynyń Jer qatynastary basqarmasynyń 2025 jyldyń 7 aiyndaǵy jumysynyń qorytyndylary jariialandy,- dep habarlaidy Dalanews.kz
Basty nazar – paidalanylmai jatqan aýyl sharýashylyǵy maqsatyndaǵy jerlerdi memleket menshigine qaitarý máselesine aýdaryldy. Jyl basynan beri óńirde 64,2 myń gektar jer qaitarylǵan. Kóbine – jaldaý merziminiń aiaqtalýyna jáne jer paidalanýshylardyń óz erkimen bas tartýyna bailanysty. Bul jumys Memleket basshysynyń tapsyrmasy aiasynda 2022 jyldan bastap júrgizilip keledi.
Qaitarylǵan jerlerdiń 99%-dan astamy aýdan jáne qala ákimdikteriniń jumysynyń nátijesi. 2022–2024 jyldar aralyǵynda jalpy 343 myń gektar jer memleketke qaitaryldy, onyń 70 myń gektary qaitadan aýyl sharýashylyǵy ainalymyna engizilgen. Jerlerdiń bir bóligi halyqqa, al bir bóligi agroqurylymdarǵa konkýrs arqyly berilgen.
2025 jyldyń birinshi jartysynda oblys boiynsha kásipkerlik maqsatta jer satý boiynsha 39 aýktsion ótkizildi. Nátijesinde, jalpy aýdany 31 gektardy quraityn 53 jer ýchaskesi satylyp, biýdjetke 45,5 million teńge tústi. Sonymen qatar, aýyl sharýashylyǵy maqsatyndaǵy 13,9 myń gektar jer 16 konkýrs arqyly 101 jer paidalanýshyǵa berildi.
Halyqqa kórsetiletin memlekettik qyzmetter boiynsha da jumys júrgizilýde. 7 aida basqarma 15 memlekettik qyzmet kórsetti, onyń ishinde jaldaý merzimin uzartý jáne izdestirý jumystaryn júrgizýge ruqsat berý sekildi qyzmetter bar. Qujattardyń tolyq bolmaýy nemese ótinishterdiń quzyretke sai bolmaýyna bailanysty 22 ótinishke qyzmet kórsetýden bas tartylǵan.
Jer qoinaýyn paidalaný baǵytynda da jumys júrip jatyr. Jyl basynan beri jalpy aýdany 72,5 gektar bolatyn 11 jer ýchaskesi boiynsha materialdar daiyndalyp, oblys ákimdiginiń 8 qaýlysy qabyldandy jáne jalǵa berý sharttary jasaldy.
Oblystyq jer komissiiasy 4 otyrys ótkizip, 16 material qarady. Sonyń ishinde 15-i boiynsha jer paidalaný quqyǵyn berý maquldanyp, 1 ótinish jerdiń bos bolmaýyna bailanysty qanaǵattandyrylmady.
Basqarma ókilderiniń aitýynsha, jyl sońyna deiin bul baǵyttaǵy jumystar jalǵasyn tabady jáne barlyq josparlanǵan mindetter ýaqytynda oryndalady.
