شقو اقپاراتتىق ورتالىعىندا وتكەن بريفينگ بارىسىندا قمدب-نىڭ وسكەمەن ءوڭىرى بويىنشا باس يمامى، «حاليفا التاي» وبلىستىق مەشىتىنىڭ باس يمامى ەرمەك قاجى مۇحاتاي ءوڭىر تۇرعىندارىن قۇربان ايت مەرەكەسى كەزىندە ۇيدە وتىرىپ، كارانتين رەجيمىن ساقتاۋعا شاقىردى.
– قۇرباندىققا شالىناتىن مالدى ساتىپ الۋ ءۇشىن Qurban2020.kz سايتىنا كىرۋ قاجەت. بۇدان سوڭ تاپسىرىس بەرۋشى مالدى تاڭداۋ بولىمىنە كىرىپ ۇساق نەمەسە ءىرى قارا مالدى (قوي – 50 مىڭ، ەشكى – 35 مىڭ، ءىرى قارا – 350 مىڭ) ساتىپ الادى. تاپسىرىس بەرۋشى مالدى تاڭداپ العان سوڭ ءاتى-جونى مەن بايلانىس ءنومىرىن جازىپ، قالدىرادى.
كەيىن سايتتا كورسەتىلگەن بانك رەكۆيزيتتەرى بويىنشا اقشانى اۋدارادى. ودان سوڭ تاپسىرىس بەرگەن ايماعىنا بايلانىستى جاۋاپتى سالا ماماندارى حابارلاسىپ، ول ادامنىڭ ناقتى ءوتىنىم بەرگەنىن سۇرايدى. سونىمەن قاتار سايتقا الەۋمەتتىك جاعدايى تومەن ازاماتتار دا كىرىپ، ءوتىنىش جازىپ، ءتيىستى قۇجاتتاردى جولدايدى. كەيىن ولارعا جاۋاپتى سالا ماماندارى حابارلاسىپ، مىندەتتى تۇردە كومەك بەرىلەدى، - دەدى ەرمەك قاجى مۇحاتاي.
ايتا كەتەيىك، ەگەر قۇرباندىق ماسەلەسىنە بايلانىستى ساۋال تۋىنداسا، وسكەمەن ءوڭىرى بويىنشا 8776 711 11 35 كولل ورتالىعىنا حابارلاسۋعا بولادى. ال سەمەي ءوڭىرى بويىنشا 8775 644 48 93 كولل ورتالىعىنا نەمەسە 8775 394 7596 ۆاتساپ نومىرىنە جازۋعا بولادى.
ءوز كەزەگىندە شقو اقپاراتتىق ورتالىعىندا وتكەن بريفينگ بارىسىندا جەرگىلىكتى پوليسيا قىزمەتى باسقارماسى باسشىسىنىڭ ورىنباسارى اسەت وتەپوۆ وبلىستىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس 31 شىلدە مەن 2 تامىز ارالىعىندا قۇربان ايت مەرەكەسىنە وراي قۇربان شالۋ ورىندارىندا پوليسيا بەكەتتەرى جۇمىس ىستەيتىنىن ءمالىم ەتتى.
اسەت وتەپوۆتىڭ ايتۋىنشا، بۇل ءوز كەزەگىندە قوعامدىق ءتارتىپ قاداعالاۋعا مۇمكىندىك بەرەدى.
– ءبىز وبلىس تۇرعىندارىن كارانتين شارالارىن قاتاڭ ساقتاپ، Qurban2020.kz سايتى ارقىلى ونلاين قۇرباندىق شالۋلارىن سۇرايمىز، – دەدى اسەت وتەپوۆ.
تاعى وقىڭزىز:
https://dalanews.kz/55086
