ShQO aqparattyq ortalyǵynda ótken brifing barysynda QMDB-nyń Óskemen óńiri boiynsha bas imamy, «Halifa Altai» oblystyq meshitiniń bas imamy Ermek qajy Muhatai óńir turǵyndaryn Qurban ait merekesi kezinde úide otyryp, karantin rejimin saqtaýǵa shaqyrdy.
– Qurbandyqqa shalynatyn maldy satyp alý úshin Qurban2020.kz saityna kirý qajet. Budan soń tapsyrys berýshi maldy tańdaý bólimine kirip usaq nemese iri qara maldy (qoi – 50 myń, eshki – 35 myń, iri qara – 350 myń) satyp alady. Tapsyrys berýshi maldy tańdap alǵan soń aty-jóni men bailanys nómirin jazyp, qaldyrady.
Keiin saitta kórsetilgen bank rekvizitteri boiynsha aqshany aýdarady. Odan soń tapsyrys bergen aimaǵyna bailanysty jaýapty sala mamandary habarlasyp, ol adamnyń naqty ótinim bergenin suraidy. Sonymen qatar saitqa áleýmettik jaǵdaiy tómen azamattar da kirip, ótinish jazyp, tiisti qujattardy joldaidy. Keiin olarǵa jaýapty sala mamandary habarlasyp, mindetti túrde kómek beriledi, - dedi Ermek qajy Muhatai.
Aita keteiik, eger qurbandyq máselesine bailanysty saýal týyndasa, Óskemen óńiri boiynsha 8776 711 11 35 koll ortalyǵyna habarlasýǵa bolady. Al Semei óńiri boiynsha 8775 644 48 93 koll ortalyǵyna nemese 8775 394 7596 vatsap nómirine jazýǵa bolady.
Óz kezeginde ShQO aqparattyq ortalyǵynda ótken brifing barysynda jergilikti politsiia qyzmeti basqarmasy basshysynyń orynbasary Áset Ótepov oblystyń bas memlekettik sanitarlyq dárigeriniń qaýlysyna sáikes 31 shilde men 2 tamyz aralyǵynda Qurban ait merekesine orai qurban shalý oryndarynda politsiia beketteri jumys isteitinin málim etti.
Áset Ótepovtiń aitýynsha, bul óz kezeginde qoǵamdyq tártip qadaǵalaýǵa múmkindik beredi.
– Biz oblys turǵyndaryn karantin sharalaryn qatań saqtap, Qurban2020.kz saity arqyly onlain qurbandyq shalýlaryn suraimyz, – dedi Áset Ótepov.
Taǵy oqyńzyz:
https://dalanews.kz/55086
