جاڭا رەفورمانى ىسكە اسىرعاننان كەيىن پاتەر يەلەرى كووپەرتيۆتەرىن جويىلىپ، ونىڭ ورنىن مۇلىك يەلەرى بىرلەستىگى مەن سەرىكتەستىكتەر قۇرىلاتىن بولادى.
شقو ەنەرگەتيكا جانە ءتۇرعىن-ۇي كوممۋنالدىق شارۋاشىلىعى باسقارماسىنىڭ مالىمەتىنشە وبلىس اۋماعىندا 5600-دەن استام كوپ قاباتتى تۇرعىن ءۇي بار. الداعى ۋاقىتتا وسى تۇرعىن ۇيلەردىڭ 4584ء-ى جاڭا باسقارۋ جۇيەسىنە كوشىرىلەدى.
كۇنى بۇگىنگە دەيىن وڭىردەگى 61 كوپپاتەرلى تۇرعىن يەلەرى ءوزارا مۇلىك يەلەرى بىرلەستىگىن قۇرسا، 2 552 پاتەر يەلەرى سەرىكتەستىك قۇرىپ ۇلگەرگەن. بۇدان شىعىس قازاقستان وبلىسى اۋماعىنداعى تۇرعىن ۇيلەردىڭ 57 پايىزى جاڭا باسقارۋ جۇيەسىنە كوشكەنىن بايقايمىز.
– بۇگىندە كوپپاتەرلى تۇرعىن ۇيلەردىڭ جاڭا باسقارۋ جۇيەسىنە كوشۋ ءىسى 16 اۋدان مەن قالادا تولىق اياقاتلدى. ولار – كۋرچاتوۆ، ريددەر، اباي، اياگوز، بەسقاراعاي، بورودۋليحين، گلۋبوكە، جارما، زايسان، كاتون-قاراعاي، كۇرشىم، كوكپەكتى، تارباعاتاي، ۇلان، ءۇرجار، شەمونايحا اۋدانى. ال وسكەمەن مەن سەمەي، التاي اۋدانىندا جۇمىستار جالعاسۋدا، – دەيدى شقو ەنەرگەتيكا جانە ءتۇرعىن-ۇي كوممۋنالدىق شارۋاشىلىعى باسقارماسى باسشىسىنىڭ ورىنباسارى نۇرلان رامازانوۆ.
سالا مامانىنىڭ ايتۋىنشا بۇگىندە وبلىس ورتالىعىنداعى كوپپاتەرلى تۇرعىن ۇيلەردىڭ 35 پايىزى جاڭا باسقارۋ جۇيەسىنە وتسە، سەمەيدى – 35 پايىز، التاي اۋدانىندا كورسەتكىش 85 پايىزعا جەتكەن.
جاڭا رەفورماعا سايكەس كوندومينيۋمدى باسقارۋ جانە جالپىعا ورتاق مۇلىكتى كۇتىپ ۇستاۋدىڭ قۇنى بەلگىلەنگەن. ايتالىق، وسكەمەن قالاسىندا كوندومينيۋمدى باسقارۋ جانە جالپىعا ورتاق مۇلىكتى كۇتىپ ۇستاۋدىڭ قۇنى 1 شارشى/متەرگە 42 تەڭگە بولسا، كۋرچاتوۆ قالاسىندا – 25 تەڭگە، ال شەمونايحا اۋدانىندا 39 تەڭگەنى قۇراعان. ال قالعان اۋدانداردا كوندومينيۋمدى باسقارۋ جانە جالپىعا ورتاق مۇلىكتى كۇتىپ ۇستاۋدىڭ قۇنى بەكىتىلۋدە.
ءوز كەزەگىندە نۇرلان رامازانوۆ «نۇرلى جەر» تۇرعىن ءۇي كوممۋنالدىق سالانى دامىتۋعا ارنالعان مەملەكەتتىك باعدارلامادا تۇرعىن ءۇي قورى ەسەبىنەن اپاتتىق جاعدايداعى ۇيلەرگە رەنوۆاسيا جۇرگىزىلەتىنىن العا تارتتى.
بۇگىندە شىعىس قازاقستان وبلىسى بويىنگا 63 كوپپاتەرلى تۇرعىن ءۇي اپاتتى جاعدايدا دەپ تانىلعان. ونىڭ كوپشىلىگى، ياعاني، 38ء-ى وسكەمەن قالاسىندا ورنالاسسا، قالعان 22ء-ى سەمەيدىڭ ەنشىسىنە تيەدى. ال ريددەل، كۋرچاتوۆ جانە گلۋبوكە اۋدانىندا اپاتتى دەپ تانىلعان ءبىر-بىر ءۇي بار.
2022-2025 جىلدار ارالىعىندا اپاتتى دەپ تانىلعان 24 ۇيگە رەنوۆاسيا جۇرىگىلەدى دەپ كۇتىلۋدە. ونىڭ 13ء-ى وسكەمەندە بولسا، 10-ى ءۇي سەمەيدە ورانالسقان.
