ShQO Energetika jáne turǵyn-úi kommýnaldyq sharýashylyǵy basqarmasynyń málimetinshe oblys aýmaǵynda 5600-den astam kóp qabatty turǵyn úi bar. Aldaǵy ýaqytta osy turǵyn úilerdiń 4584-i jańa basqarý júiesine kóshiriledi.
Kúni búginge deiin óńirdegi 61 kóppáterli turǵyn ieleri ózara múlik ieleri birlestigin qursa, 2 552 páter ieleri seriktestik quryp úlgergen. Budan Shyǵys Qazaqstan oblysy aýmaǵyndaǵy turǵyn úilerdiń 57 paiyzy jańa basqarý júiesine kóshkenin baiqaimyz.
– Búginde kóppáterli turǵyn úilerdiń jańa basqarý júiesine kóshý isi 16 aýdan men qalada tolyq aiaqatldy. Olar – Kýrchatov, Ridder, Abai, Aiagóz, Besqaraǵai, Borodýlihin, Glýboke, Jarma, Zaisan, Katon-Qaraǵai, Kúrshim, Kókpekti, Tarbaǵatai, Ulan, Úrjar, Shemonaiha aýdany. Al Óskemen men Semei, Altai aýdanynda jumystar jalǵasýda, – deidi ShQO Energetika jáne túrǵyn-úi kommýnaldyq sharýashylyǵy basqarmasy basshysynyń orynbasary Nurlan Ramazanov.
Sala mamanynyń aitýynsha búginde oblys ortalyǵyndaǵy kóppáterli turǵyn úilerdiń 35 paiyzy jańa basqarý júiesine ótse, Semeidi – 35 paiyz, Altai aýdanynda kórsetkish 85 paiyzǵa jetken.
Jańa reformaǵa sáikes kondominiýmdy basqarý jáne jalpyǵa ortaq múlikti kútip ustaýdyń quny belgilengen. Aitalyq, Óskemen qalasynda kondominiýmdy basqarý jáne jalpyǵa ortaq múlikti kútip ustaýdyń quny 1 sharshy/mterge 42 teńge bolsa, Kýrchatov qalasynda – 25 teńge, al Shemonaiha aýdanynda 39 teńgeni quraǵan. Al qalǵan aýdandarda kondominiýmdy basqarý jáne jalpyǵa ortaq múlikti kútip ustaýdyń quny bekitilýde.
Óz kezeginde Nurlan Ramazanov «Nurly jer» turǵyn úi kommýnaldyq salany damytýǵa arnalǵan memlekettik baǵdarlamada turǵyn úi qory esebinen apattyq jaǵdaidaǵy úilerge renovatsiia júrgiziletinin alǵa tartty.
Búginde Shyǵys Qazaqstan oblysy boiynga 63 kóppáterli turǵyn úi apatty jaǵdaida dep tanylǵan. Onyń kópshiligi, iaǵani, 38-i Óskemen qalasynda ornalassa, qalǵan 22-i Semeidiń enshisine tiedi. Al Riddel, Kýrchatov jáne Glýboke aýdanynda apatty dep tanylǵan bir-bir úi bar.
2022-2025 jyldar aralyǵynda apatty dep tanylǵan 24 úige renovatsiia júrigiledi dep kútilýde. Onyń 13-i Óskemende bolsa, 10-y úi Semeide oranalsqan.
