سىردارييا-تٷركٸستان مەملەكەتتٸك ٶڭٸرلٸك تابيعي پاركٸندە ەكٸ جىلدان بەرٸ قىزمەت پەن ەرەكشە قورعالۋى تيٸس اعاشتاردىڭ ساۋداسى قىزعان. "ال ولارعا توسقاۋىل بولاتىن قۇزىرلى ورگان كٷنگەيدە جوق", - دەيدٸ ورمانشىلار.
سەبەبٸ, پارك باسشىسىنىڭ ورىنباسارى وبلىس ەكٸمٸ ٶمٸرزاق شٶكەەۆتٸڭ كٷيەۋ بالاسى بولسا, پارك فيليالىنىڭ ديرەكتورى قازٸرگٸ سوزاق اۋدانى ەكٸمٸنٸڭ ۇلى. اتى اتالعان ەكەۋٸ مۇنى جوققا شىعاردى.
ابىلايحان شالداروۆ ٷش جىل بۇل باقتا ورمانشى بولعان. ايتۋىنشا, مۇنداعى قىزىل كٸتاپقا ەنگەن توراڭعىل مەن جيدە اعاشتارى جاپپاي قىرقىلىپ جاتىر. توعايدى قورعاۋى تيٸس ينسپەكتورلار باسشىلاردىڭ پەرمەنٸمەن اعاش ساۋداگەرٸنە اينالعانىن ايتقانى ٷشٸن جىل باسىندا جۇمىستان كەتٸپتٸ. سىردارييا-تٷركٸستان مەملەكەتتٸك ٶڭٸرلٸك تابيعي پاركٸ باسشىسىنىڭ ورىنباسارى مەن پارك فيليالى ديرەكتورى كەلگەلٸ "ٶمٸرٸمٸز, تٸپتٸ توزاققا اينالدى" دەپ كٷيٸنەدٸ ول.
ابىلايحان شالداروۆ, بۇرىنعى ورمانشى:
- 2018 جىلدان بەرٸ وسى ەكٸ كٸسٸ كەلدٸ. پولاتوۆ نۇرجان مەن ەبدٸقادىروۆ اقىل دەگەن. ىلعي سونىمەن قىز ەكەپ دەمالادى. بٸزدٸ شاقىرىپ الادى: "ويباي, تەز, قوي ەكەلٸڭدەر, مىنا جەرگە شاشلىك ٸستەۋٸمٸز كەرەك. كونياك, كاليان شەگۋٸمٸز كەرەك". ەكەلمەسەڭ, ەرتەسٸنە سەنٸ زاڭمەن جۇمىستان شىعارادى.
ورماننان اقشا جاساۋدىڭ تەسٸلٸ كٶپ ەكەن. "گازى جوق, قىستا كٶمٸرٸ قىمبات وتىرار اۋدانىندا بٸر اربا عانا وتىن ساتۋعا رۇقسات بەرەتٸن بيلەتپەن 100 اربا وتىن ساتىلادى", - دەيدٸ بۇرىنعى قورىقشىلار. وتىندى بىلاي قويعاندا, وتىراردا جيدە مەن توراڭعىلدى قادا قىلىپ, بيزنەس جاساۋ ٷردٸسٸ بار. بٸر عانا جيدە تالدان 7 قادا جاساۋعا بولادى. قادا دەگەنٸڭٸز, كەسٸلٸپ دايىندالعان بٶرەنە. جەرگٸلٸكتٸ قارا بازاردا بٸر عانا قادانىڭ باعاسى - 400 تەڭگە.
سونىڭ سالدارىنان ەرەكشە قورعالىپ, جايقالۋى تيٸس ورمان قىپ-قىزىل بيزنەسكە اينالىپ, جايپالىپ بارادى. "ەر تٷسكەن تەڭگەنٸ اعا ورمانشىنىڭ قالتاسىنا باسىپ, ودان قالسا, نۇرجان پولاتوۆ پەن اقىل ەبدٸقادىروۆتىڭ جىنويناعىنا سالامىز" - دەپ اشىنعان ورمانشىلار وسىنى باسشىلارعا ايتىپ, باسى بەلەگە قالعان.
ابىلايحان شالداروۆ, بۇرىنعى ورمانشى:
- "ە, مىناۋ نە دەسەم», نۇرجان پولاتوۆتىڭ ايتۋى: «ويباي, ابىلاي, سەنٸڭ شارۋاڭ بولماسىن, مىنا جۇمىستان كەت, مەن سەنٸ ٸستەتپەيمٸن, شىق, بولدى, ارى قاراي ەڭبەك قورعاۋ بٶلٸمٸنە جازاسىڭ با, قارجى پوليتسيياسىنا جازاسىڭ با, پروكۋراتۋراعا جازاسىڭ با, مەن ٶزٸم شەشٸپ الامىن". "قازٸر, ابىلاي, تانىس شەشەدٸ". اقىلدىڭ ايتۋى دا سول: "مەنٸڭ قايىن اعام تۇرعاندا, ەشكٸم ەشتەڭە ٸستەي المايدى" - دەيدٸ.
سىردارييا-تٷركٸستان ساياباعى باسشىسىنىڭ ورىنباسارى اقىل ەبدٸقادىروۆ دەگەن وبلىس باسشىسى ٶمٸرزاق شٶكەەۆتٸڭ تۋعان كٷيەۋ بالاسى, ال فيليال ديرەكتورى نۇرجان پولاتوۆ وتىرار اۋدانىنا تالاي جىل ەكٸم بولعان, قازٸر سوزاق اۋدانىنىڭ ەكٸمٸ سالىحان پولاتوۆتىڭ ۇلى. پاركتەگٸ بىلىقتى ەشكەرەلەۋ ٷشٸن بۇرىنعى ورمانشىلار مەن اۋدان تۇرعىندارى بيىل پوليتسييا مەن اۋماقتىق ينسپەكتسييا ٶكٸلدەرٸن ەرتٸپ رەيد جاساعان ەكەن.
"جٷزدەگەن اعاشتىڭ شابىلعانى انىقتالعانىمەن, سول كٷيٸ شارا قولدانىلمادى" - دەيدٸ تۇرعىندار.
بەيبٸت سىزدىقوۆ, وتىرار اۋدانىنىڭ تۇرعىنى:
- وبلىس پروكۋرورىنا, بٸراق وبلىس پروكۋرورى تابيعاتتى قورعاۋ پروكۋرورىنا جٸبەردٸ, تابيعاتتى قورعاۋ پروكۋرورى كوميتەتكە جٸبەردٸ, كوميتەت قالىمبەتوۆكە جٸبەردٸ, قايتىپ قايىربەكوۆكە كەلدٸ. سونىمەن, نە تەكسەرٸلمەيدٸ, نە قويمايدى.
ساياباقتى ساۋىق-سايران ورنىنا اينالدىردى دەپ ايىپتالعان باسشىلاردى ٸزدەپ تٷركٸستانعا باردىق. نۇرجان پولاتوۆ ورنىندا جوق. حاتشىسى ونىڭ سىرقاتتانعانىن ايتسا, قىزمەتكەرٸ "جۇمىس بابىمەن رەيدتە جٷر" دەپ شاتاستى. ەسەسٸنە, وبلىس ەكٸمٸ ٶمٸرزاق شٶكەەۆتٸڭ كٷيەۋ بالاسى كەزدەسۋدەن قاشپادى.
"ورمانشىلاردىڭ ٶزٸ قىلمىسپەن اينالىسىپ جٷرگەن سوڭ, قىزمەتكە كەلە سالا, تەرتٸپكە كەلتٸرەمٸز دەپ, ۇناماي قالدىق"- دەيدٸ اقىل ەبدٸقادىروۆ.
اقىل ەبدٸقادىروۆ, سىردارييا-تٷركٸستان مەملەكەتتٸك ٶڭٸرلٸك تابيعي پاركٸ كمم باس ديرەكتورىنىڭ ورىنباسارى:
- اعاش شاپتىرۋ,دەمالۋ, قوي سويدىرۋ دەي مە...
- قىزدارمەن دەمالۋ دەگەن سيياقتى...
- جوق, قىزدار جوق ول جەردە. سونىڭ بەرٸ جالا. ٶيتكەنٸ ونداي تٸرلٸك بولماعان. جالا-جابۋ, ار-نامىس تاپتاۋ كٶپ قوي ول جەردە. ٶزٸمٸز ول جەردە زاڭمەن شەشەمٸز عوي.
باسشى ەندٸ ٶز قىزمەتكەرلەرٸن سوتقا بەرمەكشٸ. ال "قاي جاققا جازساق تا, ەدٸلدٸك تاپپادىق" دەگەن ورمانشىلار تٷركٸستان وبلىسىندا توعايدا بولىپ جاتقان كٶلەڭكەلٸ بيزنەسكە توسقاۋىل قويار ەشكٸمنٸڭ جوعىنا سەنٸمدٸ. سوندىقتان استاناداعىلار كٶرٸپ, اق-قاراسىن ايتار دەپ ٷمٸتتەنەدٸ.
https://youtu.be/oiXFYqId8nM
