"ەفيردەن كەتتىم. نە ءۇشىن؟ "نەگە؟" حابارىنا شىعىپ شىندىقتى اي̆تقانىم ءۇشىن. الماتى قالاسىنىڭ ساياساتىنا قارسى كەلگەنىم ءۇشىن. ءتىلسىز قۋىرشاق بولماعانىم ءۇشىن.
"ەكىنشى تولقىن دەي̆سىزدەر، سىزدەر ءبىرىنشى تولقىنعا داي̆ىن بولمادىڭىزدار، قانشا قانداسىم ءولدى!" دەگەنىم ءۇشىن
– دەيدى جانات باقىت.
تەلەجۇرگىزۋشى وسى جۇمىس ىستەگەن ارنا باسشىلىعىنا قاراتا، قازاق شىبىنشا قىرىلىپ جاتقاندا ءۇنسىز قالا الماعانىن ايتادى.
"قاراپاي̆ىم پاراسەتومول تاپپاعاننىڭ كەسىرىنەن قازاعىم ءولىپ جاتقاندا، وتتەگى اپپاراتىنىڭ جوعىنان تۋىسىم ءولىپ جاتقاندا مەن ءۇنسىز تۇرا المادىم. اي̆تقانىم ءۇشىن ەمەس، ۇندەمەگىم ءۇشىن ءوزىمدى كەشىرمەس ەم. سول سەبەپتى ەش وكىنبەي̆ءمىن. حالىق اراسىندا اقيقاتىندا نە بولىپ جاتقانىن بىرەۋ اي̆تۋ كەرەك قوي̆؟
شىندىقتى اي̆تقان ادامدى جۇمىستان شىعارا بەرسە ەفيردە ەشكىم قالماي̆تىن شىعار. قالسا دا قاي̆ماق ەمەس كوك سۋى قالار... پاراقشاڭا تىر جالاڭاش فوتو قويساڭ بۇل-نورما، ءبىراق شىندىقتى جازساڭ-ەفيردە كورىنبەۋىڭ كەرەك، – دەيدى جانات باقىت.
تەلەجۇرگىزۋشى ەلىمىزدەگى جۋرناليستيكانىڭ بەدەلى ءتۇسىپ، ءتورتىنشى بيلىك دەگەن مارتەبەدەن ايىرىلىپ قالعانىن تىلگە تيەك ەتىپتى.
"ءقازىر جۋرناليستەر بيلىكتىڭ قولشوقپارىنا اي̆نالدى. وكىنىشتى. سوندىقتان مەن ءۇشىن بۇكىل پروگراممانى جابۋدىڭ قاجەتى جوق، ارىپتەستەرىمدى جاقسى كورەم، ءوزىم-اق كەتەمىن. مەن ەفيردەن كەتكەنىمەن، ەفير مەنەن كەتە قوي̆ماس"، – دەپ جازدى تەلەجۇرگىزۋشى جەلىدەگى پاراقشاسىندا.
