"Efirden kettim. Ne úshin? "Nege?" habaryna shyǵyp shyndyqty aĭtqanym úshin. Almaty qalasynyń saiasatyna qarsy kelgenim úshin. Tilsiz qýyrshaq bolmaǵanym úshin.
"Ekinshi tolqyn deĭsizder, sizder birinshi tolqynǵa daĭyn bolmadyńyzdar, qansha qandasym óldi!" degenim úshin
– deidi Janat Baqyt.
Telejúrgizýshi osy jumys istegen arna basshylyǵyna qarata, qazaq shybynsha qyrylyp jatqanda únsiz qala almaǵanyn aitady.
"Qarapaĭym paratsetomol tappaǵannyń kesirinen qazaǵym ólip jatqanda, ottegi apparatynyń joǵynan týysym ólip jatqanda men únsiz tura almadym. Aĭtqanym úshin emes, úndemegim úshin ózimdi keshirmes em. Sol sebepti esh ókinbeĭmin. Halyq arasynda aqiqatynda ne bolyp jatqanyn bireý aĭtý kerek qoĭ?
Shyndyqty aĭtqan adamdy jumystan shyǵara berse efirde eshkim qalmaĭtyn shyǵar. Qalsa da qaĭmaq emes kók sýy qalar... Paraqshańa tyr jalańash foto qoisań bul-norma, biraq shyndyqty jazsań-efirde kórinbeýiń kerek, – deidi Janat Baqyt.
Telejúrgizýshi elimizdegi jýrnalistikanyń bedeli túsip, tórtinshi bilik degen mártebeden aiyrylyp qalǵanyn tilge tiek etipti.
"Qazir jýrnalister biliktiń qolshoqparyna aĭnaldy. Ókinishti. Sondyqtan men úshin búkil programmany jabýdyń qajeti joq, áriptesterimdi jaqsy kórem, ózim-aq ketemin. Men efirden ketkenimen, efir menen kete qoĭmas", – dep jazdy telejúrgizýshi jelidegi paraqshasynda.
