ساۋدا جانە ينتەگراسيا ءبىرىنشى ۆيسە-مينيسترى ارمان شاققالييەۆ جۇمىس ساپارىمەن وڭىرگە باردى.
ءبىرىنشى ۆيسە-مينيستر وبلىسقا ساپارى اياسىندا جۇرتشىلىقپەن جانە بيزنەس بىرلەستىكتەرمەن كەزدەسىپ، ازاماتتاردىڭ جەكە قابىلداۋىن وتكىزدى. سونداي-اق، ول «التىن-شىعىس» ج ش س زاۋىتى، «ۆوستوك-سۇت كورپوراسياسى» ج ش س، «دوس-نار» بازارى سياقتى ءامات ساتۋ جانە ءوندىرۋ نىساندارىن ارالادى.
ارمان شاكقالييەۆتىڭ ايتۋىنشا،
شقو ەلىمىزدەگى كۇنباعىس ەگىس القاپتارىنىڭ كولەمى بويىنشا ءبىرىنشى ورىندا تۇر، بۇل وڭىردە جەتكىلىكتى شيكىزات بازاسىنىڭ بولۋى 2019 جىلى قازاقستانداعى ەڭ ءىرى ماي ەكستراكسيالىق زاۋىتىنىڭ قۇرىلىسىنا ىقپال ەتتى.
ونىڭ قۇنى 28،8 ملرد تەڭگە، كۇنباعىس تۇقىمىن وڭدەۋ قۋاتى تاۋلىگىنە 1000 توننانى قۇرايدى.
«ءامات باعاسىن تۇراقتاندىرۋ ءۇشىن ۇكىمەت جەدەل ءارى جۇيەلى شارالار قابىلداۋدا. ماسەلەن، شقو-دا «ەرتىس» اكپ» اق كرۋپنوفف جشس-مەن 1 ملرد 694 ملن تەڭگە سوماسىنا قانت جەتكىزۋ بويىنشا اينالىم سحەماسى بويىنشا شارت جاساستى. قانت باعاسىن تۇراقتاندىرۋ بويىنشا جۇيەلى شارالار 2026 جىلعا دەيىن ەسەپتەلگەن قانت سالاسىن دامىتۋدىڭ كەشەندى جوسپارىنا ەنگىزىلگەن. بۇل شارالار، باسقالارمەن قاتار، قانت قىزىلشاسىن وسىرۋگە ارنالعان الاڭداردى ۇلعايتۋدى جانە تۇرعىنداردى قانتپەن جەتكىلىكتى مولشەردە قامتاماسىز ەتۋ ءۇشىن وتاندىق زاۋىتتاردى جاڭعىرتۋدى كوزدەيدى»، - دەدى ارمان شاققالييەۆ.
سونىمەن قاتار، ءبىرىنشى ۆيسە-مينيستر شىعىس قازاقستان وبلىسىنداعى نەگىزگى ازىق-تۇلىك ونىمدەرىنىڭ باعاسىن تۇراقتاندىرۋ ءۇشىن سۋپەرماركەتتەرمەن، ۇيدەگى دۇكەندەرمەن، وندىرۋشىلەرمەن الەۋمەتتىك ونىمدەرگە 10% - دىق ساۋدا ۇستەمەسىن ارتتىرماۋ بويىنشا 846 مەموراندۋمعا قول قويىلعانىن حابارلادى.
وبلىستا تۇراقتى نەگىزدە اۋىل شارۋاشىلىعى جارمەڭكەلەرى وتكىزىلىپ تۇرادى جانە ءقازىردىڭ وزىندە 600-دەن استام جارمەڭكە وتكىزىلىپ، وندا 2،7 ملرد تەڭگەنىڭ ءونىمى ساتىلدى.
وبلىستا 30 الەۋمەتتىك دۇكەن جانە 417 الەۋمەتتىك بۇرىشتار جۇمىس ىستەيدى، وندا نەگىزگى الەۋمەتتىك ماڭىزى بار ازىق-تۇلىك تاۋارلارى ەڭ تومەنگى ساۋدا ۇستەمەسىن قولدانا وتىرىپ ساتىلادى.
