Saýda jáne integratsiia birinshi vitse-ministri Arman Shaqqaliev jumys saparymen óńirge bardy.
Birinshi vitse-ministr oblysqa sapary aiasynda jurtshylyqpen jáne biznes birlestiktermen kezdesip, azamattardyń jeke qabyldaýyn ótkizdi. Sondai-aq, ol «Altyn-Shyǵys» JShS zaýyty, «Vostok-Sút korporatsiiasy» JShS, «Dos-Nar» bazary siiaqty ÁMAT satý jáne óndirý nysandaryn aralady.
Arman Shakqalievtiń aitýynsha,
ShQO elimizdegi kúnbaǵys egis alqaptarynyń kólemi boiynsha birinshi orynda tur, bul óńirde jetkilikti shikizat bazasynyń bolýy 2019 jyly Qazaqstandaǵy eń iri mai ekstraktsiialyq zaýytynyń qurylysyna yqpal etti.
Onyń quny 28,8 mlrd teńge, kúnbaǵys tuqymyn óńdeý qýaty táýligine 1000 tonnany quraidy.
«ÁMAT baǵasyn turaqtandyrý úshin úkimet jedel ári júieli sharalar qabyldaýda. Máselen, ShQO-da «Ertis» ÁKP» AQ Krýpnoff JShS-men 1 mlrd 694 mln teńge somasyna qant jetkizý boiynsha ainalym shemasy boiynsha shart jasasty. Qant baǵasyn turaqtandyrý boiynsha júieli sharalar 2026 jylǵa deiin eseptelgen qant salasyn damytýdyń keshendi josparyna engizilgen. Bul sharalar, basqalarmen qatar, qant qyzylshasyn ósirýge arnalǵan alańdardy ulǵaitýdy jáne turǵyndardy qantpen jetkilikti mólsherde qamtamasyz etý úshin otandyq zaýyttardy jańǵyrtýdy kózdeidi», - dedi Arman Shaqqaliev.
Sonymen qatar, birinshi vitse-ministr Shyǵys Qazaqstan oblysyndaǵy negizgi azyq-túlik ónimderiniń baǵasyn turaqtandyrý úshin sýpermarkettermen, úidegi dúkendermen, óndirýshilermen áleýmettik ónimderge 10% - dyq saýda ústemesin arttyrmaý boiynsha 846 memorandýmǵa qol qoiylǵanyn habarlady.
Oblysta turaqty negizde aýyl sharýashylyǵy jármeńkeleri ótkizilip turady jáne qazirdiń ózinde 600-den astam jármeńke ótkizilip, onda 2,7 mlrd teńgeniń ónimi satyldy.
Oblysta 30 áleýmettik dúken jáne 417 áleýmettik buryshtar jumys isteidi, onda negizgi áleýmettik mańyzy bar azyq-túlik taýarlary eń tómengi saýda ústemesin qoldana otyryp satylady.
