وبلىستىڭ اۋقىمىن قامتيتىن ءىس-شارانىڭ ماقساتى – وسكەلەڭ ۇرپاققا ۇلتتىق اسپاپتاردى دارىپتەۋ. شارانى ۇيىمداستىرۋشىلار ۇلتتىق اسپاپتاردى ناسيحاتتاۋ ارقىلى ولاردى تۋريزم سالاسىندا ۇتىمدى قولدانۋعا ۇيرەتپەك.
اتاپ ايتارلىعى، بۇگىنگى تاڭدا ورەل، قاتونقاراعاي اۋىلىنداعى ورتا مەكتەپتەر داڭعارا، سىرناي، شاڭقوبىز سىندى اسپاپتاردىڭ قىر-سىرىن مەڭگەرۋدە. ۇلتتىڭ اسپاپتاردىڭ اۋەزدى ۇنىنەن ەلىتكەن وقۋشىلار وركەستر دە قۇرعان. قاتونقاراعاي اۋىلىنداعى لاستايەۆ وتىندا ورتا مەكتەپتىڭ 8ء-شى سىنىپ وقۋشىلارى شاڭقوبىزدىڭ داۋىسىندا كونە ءداۋىردىڭ ءۇنى بار دەيدى.
"وسىناۋ اسپاپتان شىققان اۋەن تۋعان ولكەمنىڭ تابيعاتىن كوز الدىما اكەلەدى. سوندىقتان وسى اسپاپتى تاڭداپ، ءقازىر قىر-سىرىن مەڭگەرىپ ءجۇرمىن. بۇل دىبىستى مەن ىشىمنەن ويۋ دەگەن ءسوزدى ايتىپ تۇرىپ شىعارىپ تۇرمىن جانە ويۋ دەپ ەستىلەدى. قازاقتىڭ ۇلتتىق ويۋى كوز الدىما ەلەستەيدى"، – دەيدى وسى مەكتەپتىڭ ونەرپازى گۇلىم ورازالينا.
ۇلتتىق اسپاپتار اۋداندى تۇراقتى دامىتۋ قورىنىڭ دەمەۋشىلىگىمەن جيناقتالعان ەكەن. قور 12 ميللون تەڭگەگە 121 دانا ينسترۋمەنت ساتىپ العان. ولار ازىرگە قاتونقاراعاي جانە ورەل مەكتەپتەرىنە ۇلەستىرىلدى. بارلىعى كاسىبي دەڭگەيدە جاسالعان.
اتالعان ءبىلىم وردالارىندا ۇلتتىق اسپاپتىڭ ءتىلىن مەڭگەرگىسى كەلەتىن وقۋشىلاردىڭ ۇيىرمەسى قۇرىلعان. مەكتەپتەگى مۋزىكا ءپانىنىڭ مۇعالىمدەرى وسىناۋ ۇيىرمەگە كەلگەن وقۋشىلاردان وركەست جاساپ، بولاشاقتا شەتەلدىك بايقاۋلارعا قاتىسۋدا كوزدەپ وتىر، ولكەگە كەلگەن تۋريستەردى دە تاڭ قالدىرۋعا دايىن.
"وقۋشىلارىمىز جەتىگەندە، شاڭقوبىز، سازسىرناي، سىبىزعىنى مەڭگەرىپ، ۇيرەنىپ جاتىر. مەكتەبىمىزدە بۇرىن سوڭدى بولماعان، وقۋشىلار كورمەگەن داڭعارا، اسا تاياقتىڭ ءتۇر-تۇرى كەلدى. اسپاپتاردان بولەك اۋىل مەكتەپتەرىنە قالادان كەم تۇسپەيتىندەي جاعداي جاسالۋدا"، – دەيدى وسى ورايدا ۇستاز نۇردانا ومار قىزى.
قاتونقاراعايدى دامىتۋ قوعامدىق قورىنىڭ ديرەكتورى سەرىك ءجۇنىسوۆتىڭ ايتۋىنشا قور بەلسەندىلەرى مۇنىمەن شەكتەلمەي، اۋدانعا قاراستى ۇلكەن نارىن، قاتونقاراعاي، ءۇرىل مەكتەپتەرىن تولىقتاي جابدىقتاپ شىقپاق. وسى ماقساتقا 600 ملن تەڭگە باعىتتالماق.
"اۋىلدىڭ بالالارى دا روبوتتى تەحنيكا ءتىلىن دە مەڭگەرىپ العان. قالا مەكتەبىنەن كەم تۇسپەس ءۇشىن ءالى دە قاراجات ءبولىنىپ، زاماناۋي كابينەتتەر تۇگەلدەي جابدىقتالماق. بۇل شالعايداعى جۇرتتىڭ شاھارعا ۇدەرە كوشۋىن توقتاتۋدىڭ نەگىزگى ءبىر امالى"، – دەيدى سەرىك ءجۇنىسوۆ.
