Oblystyń aýqymyn qamtityn is-sharanyń maqsaty – óskeleń urpaqqa ulttyq aspaptardy dáripteý. Sharany uiymdastyrýshylar ulttyq aspaptardy nasihattaý arqyly olardy týrizm salasynda utymdy qoldanýǵa úiretpek.
Atap aitarlyǵy, búgingi tańda Órel, Qatonqaraǵai aýylyndaǵy orta mektepter dańǵara, syrnai, shańqobyz syndy aspaptardyń qyr-syryn meńgerýde. Ulttyń aspaptardyń áýezdi úninen elitken oqýshylar orkestr de qurǵan. Qatonqaraǵai aýylyndaǵy Lastaev otynda orta mekteptiń 8-shi synyp oqýshylary shańqobyzdyń daýysynda kóne dáýirdiń úni bar deidi.
"Osynaý aspaptan shyqqan áýen týǵan ólkemniń tabiǵatyn kóz aldyma ákeledi. Sondyqtan osy aspapty tańdap, qazir qyr-syryn meńgerip júrmin. Bul dybysty men ishimnen oiý degen sózdi aityp turyp shyǵaryp turmyn jáne oiý dep estiledi. Qazaqtyń ulttyq oiýy kóz aldyma elesteidi", – deidi osy mekteptiń ónerpazy Gúlim Orazalina.
Ulttyq aspaptar aýdandy turaqty damytý qorynyń demeýshiligimen jinaqtalǵan eken. Qor 12 millon teńgege 121 dana instrýment satyp alǵan. Olar ázirge Qatonqaraǵai jáne Órel mektepterine úlestirildi. Barlyǵy kásibi deńgeide jasalǵan.
Atalǵan bilim ordalarynda ulttyq aspaptyń tilin meńgergisi keletin oqýshylardyń úiirmesi qurylǵan. Mekteptegi mýzyka pániniń muǵalimderi osynaý úiirmege kelgen oqýshylardan orkest jasap, bolashaqta sheteldik baiqaýlarǵa qatysýda kózdep otyr, ólkege kelgen týristerdi de tań qaldyrýǵa daiyn.
"Oqýshylarymyz jetigende, shańqobyz, sazsyrnai, sybyzǵyny meńgerip, úirenip jatyr. Mektebimizde buryn sońdy bolmaǵan, oqýshylar kórmegen dańǵara, asa taiaqtyń túr-túri keldi. Aspaptardan bólek aýyl mektepterine qaladan kem túspeitindei jaǵdai jasalýda", – deidi osy oraida ustaz Nurdana Omarqyzy.
Qatonqaraǵaidy damytý qoǵamdyq qorynyń direktory Serik Júnisovtiń aitýynsha qor belsendileri munymen shektelmei, aýdanǵa qarasty Úlken Naryn, Qatonqaraǵai, Úril mektepterin tolyqtai jabdyqtap shyqpaq. Osy maqsatqa 600 mln teńge baǵyttalmaq.
"Aýyldyń balalary da robotty tehnika tilin de meńgerip alǵan. Qala mektebinen kem túspes úshin áli de qarajat bólinip, zamanaýi kabinetter túgeldei jabdyqtalmaq. Bul shalǵaidaǵy jurttyń shaharǵa údere kóshýin toqtatýdyń negizgi bir amaly", – deidi Serik Júnisov.
