شىعىس قازاقستاندا العاشقى جەل ەلەكتر ستانتسيياسى ٸسكە قوسىلدى
جاڭعىزتٶبە اۋىلىندا ورنالاسقان جەل گەنەراتورلارى جىلىنا 30 مەگاۆاتت ەلەكتر قۋاتىن ٶندٸرەتٸن بولادى. قۇرىلعى ەكولوگييالىق تۇرعىدان تازا, قورشاعان ورتاعا زييان كەلتٸرمەيدٸ. وسى ارادا ٶندٸرٸلەتٸن ەلەكتر قۋاتى كٷللٸ قازاقستانعا تارالادى.
جەل ەلەكتر ستانتسيياسىنىڭ اشىلۋى سالتاناتى تەۋەلسٸزدٸكتٸڭ 30 جىلدىق مەرەيتويىمەن تۇسپا-تۇس كەلدٸ.
ٸس-شاراعا ارنايى قاتىسقان جارما اۋدانىنىڭ ەكٸمٸ احمەتقالي نۇرعوجين مۇنداي ستانتسييانىڭ اشىلۋى ەلٸمٸزدٸڭ جاسىل ەنەرگەتيكاعا باتىل قادام جاساعانىن بٸلدٸرەتٸنٸن ايتتى.
"جاسىل ەكونوميكا, سونىڭ ٸشٸندە قۋات ٶندٸرۋدٸڭ بالامالى كٶزدەرٸنە كٶشەتٸن كەز كەلدٸ. بۇل باعىتتا ەلٸمٸزدە ارنايى كونتسەپتسييا قابىلدانعان. جەلدەن قۋات ٶندٸرەتٸن ستانتسييانىڭ اشىلۋى وسى باستاماعا سەرپٸن بەرەرٸ انىق", – دەدٸ ەكٸم.
ايتا كەتەلٸك, 2019 جىلى دەل وسى جارما اۋدانىندا جىلىنا 30 مەگاۆاتت ەلەكتر قۋاتىن ٶندٸرەتٸن "جاڭعىز سولار" كٷن ەلەكتر ستانتسيياسى اشىلعان. بٷگٸندە وسىناۋ ستانتسييا ٶڭٸردٸڭ ەنەرگوجٷيەسٸنە ايتارلىقتاي ٷلەس قوسىپ وتىر.
"جاڭا جەل ەلەكتر ستانتسيياسىن ٸسكە قوسۋ ارقىلى ەلٸمٸزدٸڭ ەنەرگەتيكالىق تەۋەلسٸزدٸگٸن بەكٸتە تٷسەمٸز. سونىمەن قاتار وسىناۋ جوبا اياسىندا جاڭا جۇمىس ورىندارى قۇرىلاتىن بولادى", – دەدٸ ٶز كەزەگٸندە شقو كەسٸپكەرلٸك جەنە يندۋستريالدى-يننوۆاتسييالىق دامۋ باسقارماسىنىڭ باسشىسى ەرنار مۇستافين.
اتالعان ستانتسييانىڭ قۇرىلىسىن جٷرگٸزگەن "شار جەلٸ" جشس-نىڭ باسشىسى دانييار سەيتەنوۆتىڭ اتاپ ٶتكەنٸندەي جاڭعىزتٶبەدە جەل ەنەرگيياسىن كٶپتەپ ٶندٸرەتٸن مٷمكٸندٸك مول, اتالعان ٶلكەدە ٷنەمٸ جەل سوعاتىندىقتان گەنەراتورلار ۇدايى جۇمىس ٸستەيتٸن بولادى.
ينۆەستيتسييالىق جوبانىڭ قۇنى - 7 ملرد 400 ملن تەڭگەنٸ قۇراعان, قۇرىلىس جۇمىستارى بىلتىرعى جىلى باستالعان ەدٸ.
ستانتسييانى سالۋ كەزەڭٸندە 50 ادام جۇمىسقا قابىلدانعان, قۇرىلعى تولىق قولدانىسقا بەرٸلگەن تۇستا 8 ادام تۇراقتى جۇمىسپەن قامتىلعان. اۋدان باسشىنىڭ ايتۋىنشا الداعى ۋاقىتتا ستانتسييا قىزمەتٸنە جاۋاپتى جۇمىسشىلاردىڭ سانى 20-عا دەيٸن ۇلعايادى.
ايتا كەتەلٸك, ەلٸمٸز 2050 جىلعا دەيٸن قۋات كٶزٸنٸڭ 50 پايىزدان استامىن جەل جەنە كٷن ەلەكتر ستانتسييالارىنان الۋدى كٶزدەپ وتىر.
