Shyǵys Qazaqstanda alǵashqy jel elektr stantsiiasy iske qosyldy
Jańǵyztóbe aýylynda ornalasqan jel generatorlary jylyna 30 megavatt elektr qýatyn óndiretin bolady. Qurylǵy ekologiialyq turǵydan taza, qorshaǵan ortaǵa ziian keltirmeidi. Osy arada óndiriletin elektr qýaty kúlli Qazaqstanǵa taralady.
Jel elektr stantsiiasynyń ashylýy saltanaty Táýelsizdiktiń 30 jyldyq mereitoiymen tuspa-tus keldi.
Is-sharaǵa arnaiy qatysqan Jarma aýdanynyń ákimi Ahmetqali Nurǵojin mundai stantsiianyń ashylýy elimizdiń jasyl energetikaǵa batyl qadam jasaǵanyn bildiretinin aitty.
"Jasyl ekonomika, sonyń ishinde qýat óndirýdiń balamaly kózderine kóshetin kez keldi. Bul baǵytta elimizde arnaiy kontseptsiia qabyldanǵan. Jelden qýat óndiretin stantsiianyń ashylýy osy bastamaǵa serpin bereri anyq", – dedi ákim.
Aita ketelik, 2019 jyly dál osy Jarma aýdanynda jylyna 30 megavatt elektr qýatyn óndiretin "Jańǵyz solar" kún elektr stantsiiasy ashylǵan. Búginde osynaý stantsiia óńirdiń energojúiesine aitarlyqtai úles qosyp otyr.
"Jańa jel elektr stantsiiasyn iske qosý arqyly elimizdiń energetikalyq táýelsizdigin bekite túsemiz. Sonymen qatar osynaý joba aiasynda jańa jumys oryndary qurylatyn bolady", – dedi óz kezeginde ShQO Kásipkerlik jáne indýstrialdy-innovatsiialyq damý basqarmasynyń basshysy Ernar Mustafin.
Atalǵan stantsiianyń qurylysyn júrgizgen "Shar jeli" JShS-nyń basshysy Daniiar Seitenovtyń atap ótkenindei Jańǵyztóbede jel energiiasyn kóptep óndiretin múmkindik mol, atalǵan ólkede únemi jel soǵatyndyqtan generatorlar udaiy jumys isteitin bolady.
Investitsiialyq jobanyń quny - 7 mlrd 400 mln teńgeni quraǵan, qurylys jumystary byltyrǵy jyly bastalǵan edi.
Stantsiiany salý kezeńinde 50 adam jumysqa qabyldanǵan, qurylǵy tolyq qoldanysqa berilgen tusta 8 adam turaqty jumyspen qamtylǵan. Aýdan basshynyń aitýynsha aldaǵy ýaqytta stantsiia qyzmetine jaýapty jumysshylardyń sany 20-ǵa deiin ulǵaiady.
Aita ketelik, elimiz 2050 jylǵa deiin qýat kóziniń 50 paiyzdan astamyn jel jáne kún elektr stantsiialarynan alýdy kózdep otyr.
