جاھاندانۋ جاعدايىندا شىعىس قازاقستان وبلىسى حالىقارالىق ارىپتەستىكتى بەلسەندى دامىتىپ، الەمنىڭ تۇكپىر-تۇكپىرىنەن ينۆەستورلار ءۇشىن تارتىمدى الاڭعا اينالۋدا. ءوڭىر اۋستريا، بەلارۋس، يزرايل، ءۇندىستان، جۇڭگو، رەسەي، تۇركيا، وڭتۇستىك كورەيا جانە وزبەكستان سياقتى ەلدەرمەن ىنتىماقتاستىق تۋرالى كەلىسىمدەر مەن ءوزارا تۇسىنىستىك مەموراندۋمدارىنا قول قويدى. ارىپتەستىك اياسىندا ەكونوميكا، اۋىل شارۋاشىلىعى، دەنساۋلىق ساقتاۋ، تۋريزم جانە ونەركاسىپ سياقتى سالالار قامتىلعان،- دەپ حابارلايدى Dalanews.kz
ينۆەستيسيالىق تارتىمدىلىقتى ارتتىرۋ ءۇشىن وبلىستا ينۆەستورلارمەن ءوزارا ارەكەتتەسۋ پروسەسىن جەڭىلدەتەتىن «ءبىر تەرەزە» قاعيداتى ەنگىزىلدى. ۇلتتىق جوبالار پۋلىنا جالپى قۇنى 875،4 ملرد تەڭگەنى قۇرايتىن 52 ينۆەستيسيالىق جوبا ەنگىزىلگەن. ولاردىڭ جەتەۋى شەتەلدىك كومپانيالاردىڭ قاتىسۋىمەن ىسكە اسىرىلۋدا. بۇل حالىقارالىق باستامالاردىڭ جالپى قۇنى - 346 ملرد تەڭگە، ال ىسكە اسىرۋ مەرزىمى 2033 جىلعا دەيىنگى كەزەڭدى قامتيدى.
وڭىردە 2024 جىلى جالپى سوماسى 45 ملرد تەڭگەگە 10 ينۆەستيسيالىق جوبا ىسكە اسىرىلدى. ولاردىڭ قاتارىندا تۇرىك ينۆەستورى بالكاش يسمايلدىڭ قاتىسۋىمەن «KAZMETALEXPORT» ج ش س جۇزەگە اسىرعان ءتۇستى مەتالل سىنىقتارىن قايتا وڭدەۋ زاۋىتىنىڭ قۇرىلىسى دا بار (1،5 ملرد تەڭگە).
نەمىستىڭ «HMS Bergbau AG» كومپانياسىنىڭ قاتىسۋىمەن ەكى ءىرى جوبا ىسكە قوسىلۋعا دايىندالۋدا. كومپانيا 500 ملن اقش دوللارىنان استام ينۆەستيسيا سالۋدى جوسپارلاپ وتىر. «الاتاۋ ليتيي» جشس-مەن بىرلەسىپ ليتيي وندىرەتىن كەن-بايىتۋ كومبيناتى، ال «Creada Corporation» جشس-مەن بىرگە ليتيي توتىعى كونسەنتراتىن وندىرۋگە ارنالعان پەگماتيت كەندەرىن وڭدەيتىن كاسىپورىن سالىنادى.
سونىمەن قاتار، وسكەمەن ارماتۋرا زاۋىتىندا شەتەلدىك ينۆەستوردىڭ قاتىسۋىمەن وندىرىستىك قۋاتتاردى جاڭعىرتۋ جوباسى ىسكە اسىرىلىپ جاتىر. ينۆەستيسيا كولەمى – 5 ميلليارد تەڭگە.
ريددەر قالاسىندا ەكولوگيالىق جوبا دا دايىندىق ساتىسىندا. لەنينوگور گەس كاسكادىنا كىرەتىن تيشين سۋ قويماسىنىڭ ءبىر بولىگىن تازارتۋ جوسپارلانۋدا. جوبا باستاماشىسى - «التاي تەمىر» ج ش س، ال ينۆەستورى - قىتايدىڭ ءۇرىمشى قالاسىنداعى «YEMA GROUP CO. LTD» كورپوراسياسى. جوباعا الدىن الا ەسەپپەن 6،5 ملرد تەڭگە كولەمىندە قاراجات قۇيىلادى.
بۇل باستامالار شىعىس قازاقستاننىڭ حالىقارالىق كاپيتال مەن تەحنولوگيالاردى تارتاتىن ورتالىققا اينالىپ، جاڭا جۇمىس ورىندارى قۇرىلىپ، ءوڭىر تۇرعىندارىنىڭ ءال-اۋقاتى ارتىپ كەلە جاتقانىن كورسەتەدى.
