ەل ازاماتتارى ٷشٸن شەتەلدٸك سايتتاردان ينتەرنەت ارقىلى تاۋار ساتىپ الۋ ەلدەقايدا قىمباتقا تٷسپەك. ٶيتكەنٸ ەندٸ شەتەلدەن الدىرتقان بارلىق تاۋارلار دەكلاراتسييالاۋعا جاتادى. ونى ٶزٸڭٸز نەمەسە وپەراتورلار جاسايدى. بۇل "قازپوشتا", DHL جەنە ت.ب بولۋى مٷمكٸن. ال Wildberries پەن Ozon ماركەتپلەيستەرٸنەن ساتىپ الىنعان تاۋارلارعا بۇل ٶزگەرٸستٸڭ ەش قاتىسى جوق, دەپ حابارلايدى Dalanews.kz.
بۇل تۋرالى كەشە سەناتتا راتيفيكاتسييالانعان ەۋرازييالىق ەكونوميكالىق وداقتىڭ (ەاەو) كەدەن كودەكسٸ تۋرالى شارتقا ٶزگەرٸستەر ەنگٸزۋ تۋرالى حاتتاماسىندا قامتىلعان. قۇجاتتاعى دەرەكتەرگە سەيكەس, قازٸر شەتەلدٸك ماركەتپلەيستەردە ساتىپ الىنعان بارلىق تاۋارلار دەكلاراتسييالاۋعا جاتادى. الايدا, جاڭا ەرەجەلەر ەاەو اۋماعىندا ورنالاسقان ساۋدا الاڭدارىنا ەسەر ەتپەيدٸ.
"ەاەو-دان جاڭا تالاپ تىس شەتەلدٸك ماركەتپلەيستەردە ساتىپ الىناتىن تاۋارلارعا قولدانىلادى. قازاقستان اۋماعىندا ۇسىنىلعان ماركەتپلەيستەرگە ونىڭ قاتىسى جوق. بۇل ارادا الىس شەتەلدەن تاۋار ساتىپ الۋ تۋرالى بولىپ وتىر. ەاەو ەلدەرٸنە, ياعني Ozon جەنە Wildberries-كە جاڭا نورمالار قولدانىلمايدى", - دەيدٸ ۇلتتىق ەكونوميكا مينيسترلٸگٸنٸڭ باسپاسٶز قىزمەتٸ.
قازاقستاندىقتار شەتەلدەن ساتىپ الىنعان تاۋارلارىن جەكەلەي, سونداي–اق "قازپوشتا" اق جەنە "DHL International Kazakhstan" جشس ارقىلى رەسٸمدەي الادى. كەيٸنٸرەك باسقا كومپانييالار وپەراتور بولا الادى. بۇل رەتتە وپەراتورلار دەكلاراتسييانى تولتىرعانى ٷشٸن باجسىز ەكەلۋ قۇنىنان اسسا عانا اقى الاتىن بولادى, مەسەلەن ەگەر تاۋاردىڭ قۇنى 200 ەۆرودان (127 مىڭ تەڭگە) جوعارى بولسا نەمەسە ونىڭ سالماعى 31 كەلٸدەن اسسا. بۇل جاڭاشىلدىققا بايلانىستى شەتەلدٸك ساۋدا ينتەرنەت-الاڭدارىنان ساتىپ الىناتىن تاۋارلار 2%-عا قىمباتتاۋى مٷمكٸن.
