El azamattary úshin sheteldik saittardan internet arqyly taýar satyp alý áldeqaida qymbatqa túspek. Óitkeni endi shetelden aldyrtqan barlyq taýarlar deklaratsiialaýǵa jatady. Ony ózińiz nemese operatorlar jasaidy. Bul "Qazposhta", DHL jáne t.b bolýy múmkin. Al Wildberries pen Ozon marketpleisterinen satyp alynǵan taýarlarǵa bul ózgeristiń esh qatysy joq, dep habarlaidy Dalanews.kz.
Bul týraly keshe Senatta ratifikatsiialanǵan Eýraziialyq ekonomikalyq odaqtyń (EAEO) Keden kodeksi týraly shartqa ózgerister engizý týraly hattamasynda qamtylǵan. Qujattaǵy derekterge sáikes, qazir sheteldik marketpleisterde satyp alynǵan barlyq taýarlar deklaratsiialaýǵa jatady. Alaida, jańa erejeler EAEO aýmaǵynda ornalasqan saýda alańdaryna áser etpeidi.
"EAEO-dan jańa talap tys sheteldik marketpleisterde satyp alynatyn taýarlarǵa qoldanylady. Qazaqstan aýmaǵynda usynylǵan marketpleisterge onyń qatysy joq. Bul arada alys shetelden taýar satyp alý týraly bolyp otyr. EAEO elderine, iaǵni Ozon jáne Wildberries-ke jańa normalar qoldanylmaidy", - deidi Ulttyq ekonomika ministrliginiń baspasóz qyzmeti.
Qazaqstandyqtar shetelden satyp alynǵan taýarlaryn jekelei, sondai–aq "Qazposhta" AQ jáne "DHL International Kazakhstan" JShS arqyly resimdei alady. Keiinirek basqa kompaniialar operator bola alady. Bul rette operatorlar deklaratsiiany toltyrǵany úshin bajsyz ákelý qunynan assa ǵana aqy alatyn bolady, máselen eger taýardyń quny 200 evrodan (127 myń teńge) joǵary bolsa nemese onyń salmaǵy 31 keliden assa. Bul jańashyldyqqa bailanysty sheteldik saýda internet-alańdarynan satyp alynatyn taýarlar 2%-ǵa qymbattaýy múmkin.
