كاتون قاراعاي اۋدانىندا جوعارى تابىستى داقىلداردى ءوسىرۋ ءىسى سوڭعى 10 جىلدا 14،4 مىڭ گەكتاردان 29،3 مىڭ گەكتارعا ۇلعايعانىن اتاپ ايتۋعا بولادى. بۇگىندە اۋدانداعى كۇنباعىس القابى 23،8 مىڭ گەكتاردى قۇراسا، راپستىڭ كولەمى 5،5 مىڭ گەكتارعا جەتكەن. وسىلايشا اۋدانداعى شارۋالار كاسىپتەرىن ءارتاراپتاندىرىپ، زامان تالابىنا ساي جۇمىس ىستەۋگە كوشكەن.
سوڭعى ۋاقىتتارى اۋداندا بيدايدىڭ ونىمدىلىگى دە ايتارلىقتاي جوعارلاعان. اۋىل شارۋاشىلىعى ماماندارىنىڭ مالىمەتىنشە، اۋدانداعى شارۋالار بيدايدان ءار گەكتارىنا 10 سەنتنەر 17 سەنتنەرگە دەيىن ءونىم السا، مايلى داقىلدار بويىنشا ونىمدىلىگى ءار گەكتاردان 15 سەنتنەردەن 20 سەنتنەرگە دەيىن ۇلعايعان. وسى رەتتە ءونىم كولەمىنىڭ ارتۋىنا اۋدانداعى شارۋالاردىڭ ەگىن شارۋاشىلىعىنا جاڭا تەحنولوگيالاردى پايدالانعانى اسەر ەتكەنىن ايتۋعا ءتيىسپىز.
اۋدانداعى اۋىل شارۋاشىلىعى ەڭبەككەرلەرىنىڭ تابىسقا جەتۋىنە مەملەكەت تاراپىنان بولىنگەن سۋبسيديا مەن جەڭىلدەتىلگەن نەسيەلەر دە پايداسى تيگەنىن ايتا كەتۋىمىز كەرەك. سوڭعى جىلدارى كاتون قاراعاي اۋدانىنداعى شارۋالار 1،8 ملرد تەڭگەنىڭ نەسيەسىن الىپ، زامناۋين اۋىل شارۋاشىلىعى تەحنيكالارىن ساتىپ العان.
جاڭا تەحنيكالار شارۋالاردىڭ تابىسىن ەسەلىپ، ەڭبەك ونىمدىلىگىن ارتتىرعان. بۇدان باسقا ساپاسى جوعارى تۇقىمدار مەن تىڭايتىقشتار دا شارۋالاردىڭ جۇمىسىنىڭ العا باسۋىنىڭ سەپتەسكەنى بەلگىلى.
