Katon Qaraǵaı aýdanynda joǵary tabysty daqyldardy ósirý isi sońǵy 10 jylda 14,4 myń gektardan 29,3 myń gektarǵa ulǵaıǵanyn atap aıtýǵa bolady. Búginde aýdandaǵy kúnbaǵys alqaby 23,8 myń gektardy qurasa, rapstyń kólemi 5,5 myń gektarǵa jetken. Osylaısha aýdandaǵy sharýalar kásipterin ártaraptandyryp, zaman talabyna saı jumys isteýge kóshken.
Sońǵy ýaqyttary aýdanda bıdaıdyń ónimdiligi de aıtarlyqtaı joǵarlaǵan. Aýyl sharýashylyǵy mamandarynyń málimetinshe, aýdandaǵy sharýalar bıdaıdan ár gektaryna 10 sentner 17 sentnerge deıin ónim alsa, maıly daqyldar boıynsha ónimdiligi ár gektardan 15 sentnerden 20 sentnerge deıin ulǵaıǵan. Osy rette ónim kóleminiń artýyna aýdandaǵy sharýalardyń egin sharýashylyǵyna jańa tehnologıalardy paıdalanǵany áser etkenin aıtýǵa tıispiz.
Aýdandaǵy aýyl sharýashylyǵy eńbekkerleriniń tabysqa jetýine memleket tarapynan bólingen sýbsıdıa men jeńildetilgen nesıeler de paıdasy tıgenin aıta ketýimiz kerek. Sońǵy jyldary Katon Qaraǵaı aýdanyndaǵy sharýalar 1,8 mlrd teńgeniń nesıesin alyp, zamnaýın aýyl sharýashylyǵy tehnıkalaryn satyp alǵan.
Jańa tehnıkalar sharýalardyń tabysyn eselip, eńbek ónimdiligin arttyrǵan. Budan basqa sapasy joǵary tuqymdar men tyńaıtyqshtar da sharýalardyń jumysynyń alǵa basýynyń septeskeni belgili.
