نىسان جالپى اۋماعى 13 گەكتار جەردە ورنالاسقان. جۇمىس ورىندارىنىڭ سانى 250-300 ادامعا ەسەپتەلگەن. وندىرىستىك قۋاتى جىلىنا 150 مىڭ توننانى قۇرايدى. زاۋىتتا جاسالعان ءونىم قحر-نا ەكسپورتتالاتىن بولادى.
بۇگىنگى كۇنى مۇندا وندىرىستىك عيماراتتاردىڭ قۇرىلىسى جۇرگىزىلۋدە، نىسانعا قاجەتتى جابدىقتار مەن تەحنيكا جەتكىزىلگەن. جوبانى ىسكە قوسۋ 2018 جىلدىڭ قاراشا ايىنا جوسپارلانعان.
اد ەكىنشى زاۋىتتىڭ قۇرىلىسىن قارجىلاندىرۋ وزبەكستاندىق ينۆەستيسيالار ەسەبىنەن «ايقاجى» ءجشس-ى جۇزەگە اسىرادى، سوماسى — 890 ملن. تەڭگە. وندىرىستىك نىسان «شاردارا» يندۋستريالدىق ايماعىندا 10 گەكتار جەردە ورنالاسقان. جوبانىڭ قۋاتى — جىلىنا 50 مىڭ توننا، 50 جۇمىس ورنى اشىلدى. قازىرگى ۋاقىتتا نىساندا قۇرىلىس-مونتاجداۋ جۇمىستارى جۇرگىزىلۋدە، ءبىرىنشى كەزەڭنىڭ ىسكە قوسىلۋى 2018 جىلدىڭ جەلتوقسان ايىنا جوسپارلانعان. بۇل كومپانيانىڭ ونىمدەرى قىتايعا ەكسپورتتالادى.
«تۇركىستان» اكك» اق فيليالى TURKISTAN INVEST ينۆەستيسيالىق كومپانياسى اتالمىش جوبالاردى دايىنداۋدا قولداۋ كورسەتىپ، بۇگىنگى تاڭدا ولاردى سۇيەمەلدەۋمەن اينالىسۋدا.
ءوز كەزەگىندە اۋدان اكىمى بولاتبەك قىستاۋوۆ اتالعان ءوندىرىس ورىندارىنىڭ اۋدان ەكونوميكاسىنا شىراي كىرگىزەتىنىن تىلگە تيەك ەتتى. ونىڭ ايتۋىنشا، اۋداندا شاعىن جانە ورتا كاسىپكەرلەرلىكتى دامىتۋ باعىتىندا قارقىندى جۇمىس جۇرگىزىلىپ، مەملەكەتتىك باعدارلامالار نەگىزىندە جوبالار قولعا الىنۋدا.
