Nysan jalpy aýmaǵy 13 gektar jerde ornalasqan. Jumys oryndarynyń sany 250-300 adamǵa eseptelgen. Óndiristik qýaty jylyna 150 myń tonnany quraıdy. Zaýytta jasalǵan ónim QHR-na eksporttalatyn bolady.
Búgingi kúni munda óndiristik ǵımarattardyń qurylysy júrgizilýde, nysanǵa qajetti jabdyqtar men tehnıka jetkizilgen. Jobany iske qosý 2018 jyldyń qarasha aıyna josparlanǵan.
Ad ekinshi zaýyttyń qurylysyn qarjylandyrý ózbekstandyq ınvestısıalar esebinen «Aıqajy» JSHS-i júzege asyrady, somasy — 890 mln. teńge. Óndiristik nysan «Shardara» ındýstrıaldyq aımaǵynda 10 gektar jerde ornalasqan. Jobanyń qýaty — jylyna 50 myń tonna, 50 jumys orny ashyldy. Qazirgi ýaqytta nysanda qurylys-montajdaý jumystary júrgizilýde, birinshi kezeńniń iske qosylýy 2018 jyldyń jeltoqsan aıyna josparlanǵan. Bul kompanıanyń ónimderi Qytaıǵa eksporttalady.
«Túrkistan» ÁKK» AQ fılıaly TURKISTAN INVEST ınvestısıalyq kompanıasy atalmysh jobalardy daıyndaýda qoldaý kórsetip, búgingi tańda olardy súıemeldeýmen aınalysýda.
Óz kezeginde aýdan ákimi Bolatbek Qystaýov atalǵan óndiris oryndarynyń aýdan ekonomıkasyna shyraı kirgizetinin tilge tıek etti. Onyń aıtýynsha, aýdanda shaǵyn jáne orta kásipkerlerlikti damytý baǵytynda qarqyndy jumys júrgizilip, memlekettik baǵdarlamalar negizinde jobalar qolǵa alynýda.
