شاردارا اۋدانىندا كيەلى ورىنداردى ناسيحتتاۋ ماقساتىندا قازاقشا، ورىسشا، اعىلشىن تىلدەرىندە ارنايى كىتاپ شىعارىلدى. بۇل تۋىندىنى اۋدانداعى مادەنيەت ۇيلەرى مەن كىتاپحانالاردىڭ بارىنە تارتىلىپ بەرىلگەن.

سونىمەن قاتار اۋداندا «اڭىزدار جيناعىنا» كىرگىزۋ ماقساتىندا  كيەلى ورىندار تاريحى، اڭىزى تۋرالى مالىمەتەر تالقىلانىپ، جىل سوڭىنا دەيىن ۇسىنۋ جۇمىستارى جۇرگىزىلۋدە. تىزىمگە ەڭگىزىلمەي قالعان شاردارا اۋدانىنداعى  ۇزىناتا تاريحي – ساۋلەتتىك ەسكەرتكىشىنىڭ جانىندا جەرلەنگەن «جەزبيكە انا»، شاردارا قالاسىنداعى «مۇلكىل اتا» قورىمىنىڭ  باتىس جاعىندا جەرلەنگەن «قىز اۋليە» تۋرالى دەرەكتەر وبلىستىق تاريحي-ولكە تانۋ مۋزەيىنە بەرىلدى.

كيەلى جەرلەر ارقىلى قۇندىلىقتاردى ناسيحاتتاۋ، جاستاردىڭ بويىنا ءتالىم –تاربيە، مىنەز-قۇلىق، كوزقاراس، ۇستانىم قالىپتاستىرۋ ماقساتىندا اۋدانداعى كيەلى جەرلەر مەن تاريحي-ولكە تانۋ مۋزەيىنە اۋدان جاستارى مەن مەكتەپ وقۋشىلارىنا ەكسكۋرسيالار ۇيىمداستىرۋ تۇراقتى باسشىلىققا الىندى.

شاردارا قالاسىنا كىرە بەرىستە، قالا ىشىنە كيەلى ورىنداردى، تۋريستىك نىسانداردى كورسەتۋ ءۇشىن ارنايى ۇلگىدەگى كارتالار ورناتىلعان.

اۋدانداعى كىتاپحانالاردا «جاۋشىقۇم توبە – تۇڭعان تاريح»، «اقتوبە» قالاشىعى اتتى تانىمدىق كەشتەر تۇراقتى وتكىزىلۋدە. ۇزىناتا اۋىلدىق كىتاپحاناسىنىڭ ۇيىمداستىرۋىمەن قىركۇيەك ايىندا «الىستان مۇنارتقان كەسەنە» اتتى تاريحي ساياحات، سۇتكەنت قالاشىعى جايلى «كونە تاريح ىزدەرى» اتتى دوڭگەلەك ۇستەل ءوتتى.

ۇستىمىزدەگى جىلدىڭ مامىر ايىنان باستاپ، قازىرگى تاڭعا دەيىن  شاردارا اۋداندىق تاريحي-ولكەتانۋ مۋزەيىندە دە «تۋعان جەر» باعدارلاماسى اياسىندا 60-ەسكۋرسيا وتكىزىلىپ، كەلۋشىلەرگە دارىستەر وقىلعان. سونىمەن قاتار مۋزەيگە قويىلعان 5-كورمە  جانە مۋزەيدەن تىس ۇيىمداستىرىلعان 6-كورمە «بولاشاققا باعدار:رۋحاني جاڭعىرۋ» اتتى باعدارلامالىق ماقالا شەڭبەرىندەگى «تۋعان جەر» باعدارلاماسى جوباسى بويىنشا جۇزەگە اسىرىلدى.

 

Dalanews.kz