Sonymen qatar aýdanda «Ańyzdar jınaǵyna» kirgizý maqsatynda kıeli oryndar tarıhy, ańyzy týraly málimeter talqylanyp, jyl sońyna deıin usyný jumystary júrgizilýde. Tizimge eńgizilmeı qalǵan Shardara aýdanyndaǵy Uzynata tarıhı – sáýlettik eskertkishiniń janynda jerlengen «Jezbıke ana», Shardara qalasyndaǵy «Múlkil ata» qorymynyń batys jaǵynda jerlengen «Qyz áýlıe» týraly derekter oblystyq tarıhı-ólke taný mýzeıine berildi.
Kıeli jerler arqyly qundylyqtardy nasıhattaý, jastardyń boıyna tálim –tárbıe, minez-qulyq, kózqaras, ustanym qalyptastyrý maqsatynda aýdandaǵy kıeli jerler men tarıhı-ólke taný mýzeıine aýdan jastary men mektep oqýshylaryna ekskýrsıalar uıymdastyrý turaqty basshylyqqa alyndy.
Shardara qalasyna kire beriste, qala ishine kıeli oryndardy, týrısik nysandardy kórsetý úshin arnaıy úlgidegi kartalar ornatylǵan.
Aýdandaǵy kitaphanalarda «Jaýshyqum tóbe – tuńǵan tarıh», «Aqtóbe» qalashyǵy atty tanymdyq keshter turaqty ótkizilýde. Uzynata aýyldyq kitaphanasynyń uıymdastyrýymen qyrkúıek aıynda «Alystan munartqan kesene» atty tarıhı saıahat, Sútkent qalashyǵy jaıly «Kóne tarıh izderi» atty dóńgelek ústel ótti.
Ústimizdegi jyldyń mamyr aıynan bastap, qazirgi tańǵa deıin Shardara aýdandyq tarıhı-ólketaný mýzeıinde de «Týǵan jer» baǵdarlamasy aıasynda 60-eskýrsıa ótkizilip, kelýshilerge dárister oqylǵan. Sonymen qatar mýzeıge qoıylǵan 5-kórme jáne mýzeıden tys uıymdastyrylǵan 6-kórme «Bolashaqqa baǵdar:rýhanı jańǵyrý» atty baǵdarlamalyq maqala sheńberindegi «Týǵan jer» baǵdarlamasy jobasy boıynsha júzege asyryldy.
Dalanews.kz
