ەل-جۇرتىنىڭ باسىنا كٷن تۋىپ, تىنىشتىق ورناعانشا پانالايتىن قاۋٸپسٸز جەر ٸزدەۋدە. ەجەلدەن كٶرشٸ ەكەنٸمٸزدٸ ولار دا بٸلەدٸ, سول سەبەپتٸ جەرٸمٸزگە كەلٸپ جاتىر. بٸراق وسىنداي ۋاقىتشا دٷربەلەڭنٸڭ كەزٸندە «جاعىلعانعا جۇدىرىق» بولماي, قولداعانىمىز دۇرىس بولادى. قولدان كەلگەنشە كٶمەك كٶرسەتٸپ, قامقورلىق كٶرسەتكەن ابزال.
ەرتەدەن-اق قينالعانعا قولىن سوزاتىن تەكتٸ جۇرتپىز. ٶتكەن عاسىردا قازاق حالقى بٸرنەشە ۇلتقا كٶپتەگەن جاقسىلىق جاسادى. سولار ارامىزعا سٸڭٸسٸپ, ارالاسىپ-قۇرالاسىپ, بٸزبەن تاتۋ عۇمىر كەشتٸ.
ۇرپاقتارى ەلٸ دە حالقىمىزبەن ىنتىماقتاسىپ ٶمٸر سٷرۋدە. ەشكٸمدٸ كەۋدەسٸنەن تەپكەن جوقپىز. ودان ەلٸمٸز جامان بولعان جوق. كٶپ ۇلتقا ابىرويىمىز جەتٸپ, جاقسى اتىمىز شىقتى. سوندىقتان وسى سٷرلەۋدەن جاڭىلماعانىمىز جٶن.
بەس ساۋساق بٸردەي ەمەس, ەل بولعان سوڭ تٷرلٸ پٸكٸر, الۋان كٶزقاراس بولادى. جالپى, حالقىمىز ەشكٸمگە ٶشتەسپەيدٸ. مەيٸربان, ٶزگەگە قامقور. مەملەكەت قاۋٸپسٸزدٸك جايىن نازاردان تىس قالدىرماي, وسى تۇستا باقىلاۋدى كٷشەيتۋ كەرەك.
تىنىشتىق, بەيبٸتشٸلٸك پەن اۋىزبٸرشٸلٸك – ەلٸمٸزدٸڭ ەڭ قىمبات قۇندىلىعى. ونى كٶزدٸڭ قاراشىعىنداي ساقتاپ, كەلەشەك ۇرپاقتىڭ بەيبٸت ٶمٸرٸ ٷشٸن قىزعىشتاي قورعاۋىمىز تيٸس. ەڭسەلٸ ەلدٸڭ بٸر ٶكٸلٸ رەتٸندە ايتار سٶزٸم – وسى. حالىقتىڭ اماندىعى, بالا-شاعانىڭ جىلاماعانىن سۇرايمىز. بۇل ٷشٸن تاتۋلىقتان اسقان جول جوق.
